بی سی سی آئی نے تین مقابلوں کے لیے ٹیم کا اعلان کیا، شریس ایّر بنائے گئے ٹی-20 کپتان

ممبئی، 6 جون (یو این آئی) بھارتیہ کرکٹ کنٹرول بورڈ (بی سی سی آئی) نے ہفتے کے روز آئرلینڈ اور انگلینڈ کے آئندہ دوروں (جون-جولائی) اور ستمبر سے جاپان میں ہونے والے 2026 ایشینگیمز کے لیے شریس ایّر کو قومی ٹی-20 ٹیم کا نیا کپتان بنایا ہے۔ قومی ٹیم کے سلیکٹرز نے نوجوان طوفانی بلے باز ویبھو سوریا ونشی کو بھی ٹیم میں شامل کیا ہے۔ تلک ورما ہندوستانی ٹیم کے نائب کپتان ہوں گے۔ اس کے علاوہ 15 سالہ نوجوان سنسنی ویبھو سوریا ونشی کو پہلی بار قومی ٹیم میں شامل کیا گیا ہے، انہیں تینوں ٹیموں میں جگہ ملی ہے۔ ٹیم میں ہرشیت رانا کی بھی واپسی ہوئی ہے، جنہوں نے آخری بار اس سال فروری کی شروعات میں کوئی مسابقتی میچ کھیلا تھا۔ سوریہ کمار یادو کو ٹیم میں جگہ نہیں ملی ہے۔
وہیں، گھریلو میدان پر ورلڈ کپ کے دوران نو اننگز میں 136.72 کے اسٹرائیک ریٹ سے 242 رن بنانے والے 35 سال کے سوریہ کمار کو خراب فارم کی وجہ سے ٹیم سے باہر کر دیا گیا۔ آئی پی ایل 2026 میں بھی انہوں نے ممبئی انڈینز کے لیے 13 اننگز میں 270 رن بنائے تھے۔ بی سی سی آئی نے ٹیم کی قیادت میں یہ تبدیلی لاس اینجلس 2028 اولمپکس اور اسی سال آسٹریلیا اور نیوزی لینڈ میں ہونے والے ٹی-20 ورلڈ کپ کو ذہن میں رکھتے ہوئے ایک نئی ٹی-20 ٹیم تیار کرنے کے لیے کی ہے۔
اس سیزن میں پنجاب کنگز کے ساتھ پلے آف میں جگہ بنانے سے معمولی فرق سے چوکنے کے باوجود، شریس ایّر نے 14 میچوں میں شاندار 498 رن بنائے۔ اس میں ان کی پہلی آئی پی ایل سنچری بھی شامل تھی۔ شریس ایّر ہندوستانی مرد ٹی-20 کرکٹ ٹیم کی تاریخ میں 15ویں کپتان ہوں گے۔ ہندوستان اپنے دورے کی شروعات آئرلینڈ کے خلاف بیلفاسٹ میں 26 اور 28 جون کو دو ٹی-20 میچوں سے کرے گا، جس کے بعد ٹیم ایک سے 11 جولائی تک انگلینڈ میں پانچ میچوں کی ٹی-20 سیریز کھیلے گی۔ ایشین گیمز میں مردوں کا کرکٹ ٹورنامنٹ 24 ستمبر سے شروع ہوگا اور 13 اکتوبر کو تمغوں کے میچوں کے ساتھ ختم ہوگا۔
آئرلینڈ کے خلاف ہندوستانی ٹی-20 ٹیم: شریس ایّر (کپتان)، ابھشیک شرما، سنجو سیمسن، ایشان کشن، شیوم دوبے، تلک ورما، نتیش کمار ریڈی، اکشر پٹیل، ورون چکرورتی، واشنگٹن سندر، روی بشنوئی، محمد سراج، ہرشیت رانا، ارشدیپ سنگھ، پرنس یادو اور ویبھو سوریا ونشی۔
انگلینڈ کے خلاف ہندوستانی ٹی-20 ٹیم: شریس ایّر (کپتان)، تلک ورما (نائب کپتان)، روی بشنوئی، ابھشیک شرما، نتیش کمار ریڈی، محمد سراج، سنجو سیمسن، اکشر پٹیل، ایشان کشن، ہرشیت رانا، واشنگٹن سندر، ارشدیپ سنگھ، شیوم دوبے، ورون چکرورتی، پرنس یادو اور ویبھو سوریا ونشی۔
ایشین گیمز کے لیے ہندوستانی ٹیم: شریس ایّر (کپتان)، تلک ورما (نائب کپتان)، روی بشنوئی، ابھشیک شرما، نتیش کمار ریڈی، جسپریت بمراہ، سنجو سیمسن، اکشر پٹیل، ہرشیت رانا، ایشان کشن، واشنگٹن سندر، ارشدیپ سنگھ، شیوم دوبے، ورون چکرورتی اور ویبھو سوریا ونشی۔