ایجنسیز
نئی دہلی؍۲۵مئی
مرکزی وزیر داخلہ‘امت شاہ آئندہ دو ہفتوں کے دوران ملک کے سرحدی علاقوں کا دورہ کریں گے جہاں وہ مقامی حکام اور بی ایس ایف کے سینئر افسران کے ساتھ ملاقاتوں میں سرحدی سیکورٹی صورتحال کا جائزہ لیں گے۔
حکام کے مطابق امت شاہ پیر کے روز بیکانیئر پہنچیں گے، جہاں وہ منگل کو سانچو میں بی ایس ایف کی سرحدی چوکی کا دورہ کریں گے۔ اس موقع پر وہ ’پراہری سمیلن‘ میں شرکت کریں گے اور خواتین اہلکاروں کے لیے بیرکس کا ورچوئل افتتاح بھی انجام دیں گے۔
بعد ازاں وہ بی کانیر میں بی ایس ایف کے سینئر افسران کے ساتھ سرحدی سیکورٹی کا جائزہ لیں گے۔ اس اجلاس میں مرکزی وزارت داخلہ کے نمائندے اور پاکستان سے متصل پانچ اضلاع کے سینئر افسران بھی شریک ہوں گے۔
وزیر داخلہ۲۹مئی کو گجرات کے بھج کا دورہ کریں گے جہاں وہ بی ایس ایف کی ایک اور سرحدی چوکی کا معائنہ کریں گے۔
جون میں امت شاہ کے ملک کی مشرقی سرحدوں، خصوصاً بنگلہ دیش سے متصل علاقوں کے دورے کا بھی امکان ہے۔ وہ۵جون کو تریپورہ جائیں گے جبکہ اسی ماہ مغربی بنگال کا دورہ بھی متوقع ہے۔
