ایک کروڑ ۵ لاکھ سیاحوں کا جموں کشمیر کا دورہ :ریڈی

سرینگر//
مرکزی وزیر برائے سیاحت جی کے ریڈی نے پیر کو کہا کہ سال۲۰۲۲ کے پہلے چھ مہینوں میں ایک کروڑ پانچ لاکھ سیاح جموں و کشمیر کا دورہ کر چکے ہیں۔
لوک سبھا میں مالا رائے کے ایک سوال کا جواب دیتے ہوئے مرکزی وزیر نے کہا کہ جموں کشمیر میں سیاحت کا شعبہ معیشت کے بنیادی شعبوں میں سے ایک ہے۔انہوں نے کہا’’جے اینڈ کے حکومت کی طرف سے نجی اور سرکاری شعبوں میں اٹھائے گئے اقدامات کے نتیجے میں کووڈ چیلنجوں کے باوجود سیاحوں کی تعداد میں نمایاں اضافہ ہوا ہے‘‘۔
سال۲۰۲۰ میں سیاحوں کی تعداد۴۱ہزار۲۶۷ تھی جو کیلنڈر سال ۲۰۲۲ کے پہلے چھ مہینوں (جنوری،جون) کے دوران بڑھ کرایک کروڑ پانچ لاکھ ہو گئی ہے۔
ریڈی نے کہا کہ جموں و کشمیر میں سیاحوں کا رش ’’تمام موسموں میں اس مدت کے دوران دیکھا گیا ہے اور وہ بھی اعلیٰ درجے کے سیاح، جن کو معیاری خدمات کا اچھا تجربہ ہے‘‘۔
مرکزی وزیر نے مزید کہا ’’سیاحوں کی اس زیادہ آمد سے مقامی آبادی بشمول یو ٹی کے دور دراز علاقوں میں رہنے والے لوگوں کو بالواسطہ اور بالواسطہ فائدہ پہنچا ہے۔‘‘