گاندربل؍۲۰مارچ
وسطی کشمیر کے ضلع گاندربل کے لار علاقے میں جمعہ کے روز ایک موٹر سائیکل کی ٹکر سے ایک راہگیر جاں بحق جبکہ ایک اور شخص زخمی ہو گیا۔
حکام کے مطابق موٹر سائیکل، جسے ولی یار کے رہائشی عرفان احمد میر چلا رہے تھے، نے لار کے رہائشی غلام حسن تیلی نامی راہگیر کو ٹکر ماری جس کے نتیجے میں وہ موقع پر ہی جاں بحق ہو گئے۔
انہوں نے بتایا کہ موٹر سائیکل پر سوار پچھلی نشست پر بیٹھا شخص، ارشد احمد ساکن ولی یار، اس حادثے میں زخمی ہوا جسے علاج کے لیے قریبی اسپتال منتقل کیا گیا۔
ادھر پولیس نے واقعے کا نوٹس لیتے ہوئے مزید تحقیقات شروع کر دی ہیں۔
