پاکستان میں بیک اپ میں بے پناہ ٹیلنٹ ہے:وسیم اکرم

کراچی 26 نومبر(یو این آئی ) پاکستان کے سابق کپتان وسیم اکرم نے کہاہے کہ پاکستنی ایمرجنگ کرکٹراحمد دانیال کا مستقل تابناک ہے ،پاکستان میں بیک اپ میں بہت ٹیلنٹ ہے، پاکستان نے اچھا کھیلا سپر اوور میں احمد دانیال نے اچھی بولنگ کی۔سابق کپتان وسیم اکرم نے میڈیا سے گفتگو کرتے ہوئے کہا کہ ایشیا کپ رائزنگ اسٹارز دیکھا حیرت ہوئی پاکستان میں بیک اپ میں اتنا ٹیلنٹ ہے، پاکستان نے اچھا کھیلا سپر اوور میں احمد دانیال نے اچھی بولنگ کی۔
انہوں نے کہا کہ شاہین آفریدی اچھا کھیل رہے ہیں، انہیں ہٹانا غلط تھا یا پھر اسے کپتان نہ بناتے، وہ میدان میں جان مارتا ہے جیت کے لیے کھیلتا ہے، شاہین کی کپتانی کے شروع کے دن ہیں وہ بہت آگے جائیگا۔وسیم اکرم نے کہا کہ فخر زمان بہت تجربے کار کھلاری ہے جس نمبر پر موقع مل رہا ہے 100 فیصد دے رہا ہے۔ سابق کپتان نے کہا کہ ایشیز سیریز میں وکٹ بہت بہترین تھی، باؤنس بھی تھا، میچ دو دن میں ختم ہوا لیکن بہت مزہ آیا اسکرین سے ہٹنے کا دل نہیں کررہا تھا۔