انگلش پریمیئر لیگ:آرسنل کی ٹیم کی پہلی پوزیشن مزید مستحکم

لندن 22 اکتوبر(یو این آئی ) آرسنل کی فٹ بال ٹیم نے اپنی شاندار کارکردگی کی بدولت انگلش پریمیئر لیگ کے پوائنٹس ٹیبل پردفاعی چیمپئن لیورپول سے ٹاپ پوزیشن چھین لی تھی جو مزید مستحکم ہوگئی ہےجبکہ مانچسٹر سٹی کی ٹیم دوسرے اور بورن مائوتھ کی ٹیم تیسرے نمبر پر موجود ہے ۔ دفاعی چیمپئن لیورپول کی ٹیم تنزلی کے بعد چوتھے نمبر پر چلی گئی ہے۔
ای ایس پی این کے مطابق اب تک کھیلے گئے میچز کے بعد آرسنل کی ٹیم کے سب سے زیادہ 19پوائنٹس ہیں اور وہ ای پی ایل کے پوائنٹس ٹیبل پر ٹاپ پوزیشن پر برقرار ہے۔ مانچسٹر سٹی کی ٹیم 16 پوائنٹس کے ساتھ دوسرے اور بورن مائوتھ کی ٹیم 15 پوائنٹس کے ساتھ تیسرے نمبر پر موجود ہے ۔ دفاعی چیمپئن لیورپول کی ٹیم تنزلی کے بعد چوتھے نمبر پر چلی گئی ہے۔
انگلش پریمیئر لیگ کے 34 ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے۔
یہ مجموعی طور پر ٹاپ فلائٹ انگلش فٹ بال کا 127واں ایڈیشن ہے ۔ لیگ میں شامل تمام 20 ٹیموں نے اپنے 8،8 میچز کھیل لئے ہیں ۔ آرسنل کی ٹیم 8 میچز کھیل چکی ہے اور چھ میچز میں فتح حاصل کی ہے اور وہ سب سے زیادہ 19 پوائنٹس کے ساتھ ٹاپ پوزیشن پر برقرار ہے ۔ مانچسٹر سٹی کی ٹیم نے بھی 8 میچز کھیلے ہیں جن میں اس کو پانچ میچز میں فتح نصیب ہوئی اور وہ 16 پوائنٹس کے ساتھ دوسرےنمبر پر ہے۔
بورن مائوتھ کی ٹیم 15 پوائنٹس کے ساتھ تیسرے نمبر پر موجود ہےدفاعی چیمپئن لیورپول کی ٹیم نے بھی 8 میچز کھیلے ہیں اور پانچ میں کامیابی حاصل کی ہے تاہم 15 پوائنٹس کے ساتھ وہ چوتھے نمبرپر چلی گئی ہے۔اسی طرح چیلسی ،ٹوٹنہم ہاٹ پور اور سندرلینڈ کی ٹیموں نے بھی 8،8 میچز کھیل لئے ہیں اور 14،14 مساوی پوائنٹس ہونے کے ساتھ یہ ٹیمیں بالترتیب پانچویں، چھٹے اور ساتویں نمبر پر ہیں۔
اسی طرح کرسٹل پیلس اور مانچسٹر یونائیٹڈکے 13،13 پوائنٹس مساوی ہیں اور وہ ٹیبل پر آٹھویں اور نویں نمبر پر ہیں۔برائٹن اینڈ ہوو البیون اور آسٹن ولا کی ٹیموں کے بھی 12،12 مساوی پوائنٹس ہیں اور وہ بالترتیب دسویں اور گیارہویں نمبر پر ہیں۔ وولور ہیمپٹن کی ٹیم بھی 8 میچز کھیل چکی ہے اور چھ میچز میں اس کو شکست کا سامنا کرناپڑا ہے۔واضح رہے کہ انگلش پریمیئر لیگ کے رواں سیزن میں شامل 20 کلبوں کی ٹیموں میں دفاعی چیمپئن لیورپول،آرسنل،آسٹن ولا،بورن مائوتھ،برینٹ فورڈ،برائٹن اینڈ ہوو البیون،برنلے،چیلسی،کرسٹل پیلس،ایورٹن،فلہم،لیڈز یونائیٹڈ،مانچسٹر سٹی،مانچسٹر یونائیٹڈ،نیوکیسل یونائیٹڈ،ناٹنگھم فارسٹ،سنڈرلینڈ،ٹوٹنہم ہاٹ پور،ویسٹ ہیم یونائیٹڈ اور وولور ہیمپٹن شامل ہیں۔