ٹرمپ کا دعویٰ ہے کہ ہندوستان نے روس سے تیل نہ خریدنے کا وعدہ کیا

واشنگٹن، 16 اکتوبر (یو این آئی) امریکی صدر ڈونلڈ ٹرمپ نے دعویٰ کیا ہے کہ وزیر اعظم نریندر مودی نے یقین دہانی کرائی ہے کہ ہندوستان روس سے خام تیل نہیں خریدے گا۔
مسٹر ٹرمپ نے یہ دعویٰ بدھ کو وائٹ ہاؤس کی ایک باقاعدہ پریس کانفرنس میں کیا۔ انہوں نے کہا کہ مسٹر مودی طویل عرصے سے اقتدار میں ہیں اور انہیں یقین دلایا ہے کہ روس سے کوئی تیل نہیں خریدا جائے گا۔ تاہم مسٹر ٹرمپ نے یہ نہیں بتایا کہ مسٹر مودی نے انہیں یہ معلومات کب دیں۔
امریکی صدر نے کہا کہ ہندوستان میں امریکی سفیر سرجیو گور نے انہیں بتایا کہ مسٹر مودی ان سے بہت پیار کرتے ہیں۔ وہ نہیں جانتے کہ ان کا یہ بیان مسٹر مودی کے سیاسی کیریئر کو کتنا نقصان پہنچا سکتا ہے ۔ مسٹر ٹرمپ نے کہا ”مودی ایک عظیم آدمی ہیں۔
یہ پریس کانفرنس تقریباً ایک گھنٹے تک جاری رہی اور ان کے ساتھ امریکی تحقیقاتی ادارے فیڈرل بیورو آف انویسٹی گیشن (ایف بی آئی) کے سربراہ کاش پٹیل اور دیگر اعلیٰ حکام بھی موجود تھے ۔
مسٹر ٹرمپ نے کہا کہ روس سے تیل خریدنے کے عمل کو فوری طور پر نہیں روکا جا سکتا، لیکن یہ ایک چھوٹا عمل ہے اور اسے جلد ہی مکمل کر لیا جائے گا۔ انہوں نے روس یوکرین جنگ کا ذکر کرتے ہوئے کہا کہ ان دونوں ممالک کے رہنماؤں کے درمیان نفرت بہت مضبوط ہے اور یہ ایک بڑی رکاوٹ ہے ۔ انہوں نے یقین ظاہر کیا کہ یہ مسئلہ حل ہو جائے گا لیکن اگر ہندوستان تیل خریدنا بند کردے تو یہ آسان ہو جائے گا۔