ہم معاہدے پر قائم ہیں اور اسکے تحت ٹائم ٹیبل پر عمل کر رہے ہیں: حماس

غزہ، 13 اکتوبر (یو این آئی) حماس کا کہنا ہے کہ ہم معاہدے پر قائم ہیں اور اسکے تحت ٹائم ٹیبل پر عمل کر رہے ہیں۔
غیر ملکی ذرائع ابلاغ کے مطابق حماس کا کہنا ہے کہ ہم معاہدے پر قائم ہیں اور اسکے تحت ٹائم ٹیبل پر عمل کر رہے ہیں۔ جب تک دشمن اس معاہدے پر قائم ہے ، معاہدہ ہمارے عوام کی استقامت کا نتیجہ ہے ۔
حماس کے مطابق ہم جنگ کو ختم کرنا چاہتے تھے لیکن دشمن نے ہمیشہ کوششوں کو ناکام بنایا، دشمن اعلیٰ انٹیلی جنس اور فوجی طاقت کے باوجود یر غمالیوں کو رہا کرانے میں ناکام رہا۔ دشمن پہلے ہی معاہدے کے ذریعے اپنے قیدیوں کو رہا کرواسکتا تھا۔
واضح رہے کہ حماس نے 7 اسرائیلی یرغمالی ریڈ کراس کے حوالے کردئیے ، معاہدے کے تحت 20 اسرائیلی یرغمالیوں کو رہا کیا جانا ہے ۔
تفصیلات کے مطابق اسرائیل اور حماس کے درمیان قیدیوں کے تبادلے کا عمل شروع ہوگیا۔