شاہین کی بیٹنگ نے میچ کا رخ موڑا،بنگہ دیش کرکٹ ٹیم کے ہیڈ کوچ فلپ سمنز

ایشا کپ کے اہم میچ میں پاکستان سے شکست کے بعد بنگلہ دیش کرکٹ ٹیم کے ہیڈ کوچ فلپ سمنز کا کہنا ہے کہ بیٹرز توقعات پر پورا نہ اتر سکے، مسلسل وکٹیں گنوائیں۔ ٹیم کے ہیڈ کوچ فلپ سمنز نے دبئی میں کھیلے گئے سپر فور مرحلے کے انتہائی اہم میچ میں بنگلادیش کی شکست کے بعد پریس کانفرنس کی۔
ہیڈ کوچ فلپ سمنز کا کہنا تھا کہ دبئی اسٹیڈیم کی پچ پر بنگلادیش 169رنز کا ہدف بھی حاصل کرچکا ہے۔ اُنہوں نے کہا کہ پاکستانی بولرشاہین شاہ آفریدی نے چھکے لگا کر بڑا اسکور کیا، محمد نواز نے بھی بڑا اسکور بنایا، ہمارے بولرز رنز دیتے گئے۔ فلپ سمنز نے مزید کہا کہ نواز اور شاہین کی بیٹنگ نے میچ کا رخ موڑا، وہی ٹرننگ پوائنٹ ثابت ہوا۔ پاکستان نے دبئی میں کھیلے گئے سپر فور مرحلے کے انتہائی اہم میچ میں بنگہ دیش کو 11 رنز سے زیر کرکے ایشیا کپ کے فائنل کیلئے کوالیفائی کرلیا ہے جہاں اس کا مقابلہ روایتی حریف ہندوستان سے ہوگا۔