آئی او سی نے تین نئے ڈائریکٹرز کی تقرری کا اعلان کیا

جنیوا، 10 ستمبر (یو این آئی ) انٹرنیشنل اولمپک کمیٹی (آئی او سی) نے صدر کے دفتر، مواصلات اور انسانی وسائل کے شعبوں کے لیے تین نئے ڈائریکٹرز کی تقرری کا باضابطہ اعلان کیا ہے۔
جان پیٹرسن کو 15 ستمبر سے آئی او سی صدر کرسٹی کوونٹری کے ایگزیکٹو آفس میں چیف آف اسٹاف مقرر کیا گیا ہے۔
جیمز پیئرس نے یکم ستمبر کو آئی او سی کے صدر کے چیف کمیونیکیشن ایڈوائزر کا عہدہ سنبھالا۔ جولین بیہانی مارچ 2026 تک جاری رہنے والے عبوری دور کے بعد زیویئر ٹِسیریز کی جگہ انسانی وسائل کے ڈائریکٹر کا عہدہ سنبھالیں گے۔پیٹرسن نے برٹش اولمپک ایسوسی ایشن میں دو دہائیوں سے زیادہ عرصہ گزارا اور اس تنظیم میں متعدد کردار ادا کیا۔ وہ لندن 2012 اولمپکس میں برطانیہ کے لیے ڈپٹی شیف ڈی مشن اور 2014 دولت مشترکہ کھیلوں میں انگلینڈ کے لیے شیف ڈی مشن کے طور پرکام کیا۔
پیئرس پہلے بی بی سی کے اسپورٹس براڈکاسٹر تھے اور بیہانی یورپی فٹ بال کی گورننگ باڈی یو ای ایس اے میں انسانی وسائل کے سربراہ ہیں۔
آئی او سی کے ڈائریکٹر جنرل کرسٹوف ڈی کیپر نے ایک بیان میں کہا ہم جان پیٹرسن، جیمز پیئرس اور جولین بیہنی کا اپنی تنظیم میں پرتپاک خیرمقدم کرتے ہیں۔ وہ اپنے متعلقہ شعبوں میں آئی او سی کے لیے بہت سارے تجربے بروئے کار لایئں گے اور ہم ان کے علم سے استفادہ کرنے کے منتظر ہیں۔