اسرائیلی میڈیا ہمارے بارے میں غلط بیانی بند کرے :ترکیہ

ترکیہ کے سینٹر فار کمبیٹنگ ڈس انفارمیشن نے اسرائیلی میڈیا کی ان خبروں کو مسترد کردیا ہے جن میں ایک اسرائیلی وزیر کے خلاف مبینہ قاتلانہ سازش کے سلسلے میں اس کا نام لیا گیا تھا۔
مرکز نے کہا کہ ایک اسرائیلی وزیر کے خلاف مبینہ قاتلانہ سازش کے بارے میں بعض اسرائیلی میڈیا اداروں کی رپورٹس میں ہمارے ملک کے نام کا ذکر ترکیہ کو نشانہ بنانے کی جان بوجھ کر غلط معلومات پھیلانے کی مہم کا نتیجہ ہے ۔
انہوں نے زور دے کر کہا کہ اسرائیلی میڈیا میں ایک نئی پیش رفت کے طور پر پیش کیا جانے والا یہ کیس دراصل آٹھ ماہ قبل پیش آنے والے ایک واقعے سے جڑا ہوا ہے ۔
اس کے علاوہ حراست میں لیے گئے افراد کے بیانات کی ریڈ کراس کے حکام نے تصدیق کی ہے کہ ان کا ترکیہ سے کوئی تعلق نہیں ہے ۔
بیان میں کہا گیا ہے کہ اس خبر کا بنیادی مقصد بین الاقوامی سطح پر ترکیہ کے خلاف گمراہ کن اور دانستہ تاثر پیدا کرنا ہے ، جس سے فلسطین کے بارے میں ترکیہ کی پالیسی کو کمزور کیا جا سکتا ہے ۔
انقرہ نے عوام اور بین الاقوامی حکام پر زور دیا ہے کہ وہ ’ترکیہ کو نشانہ بنانے والی غلط معلومات اور غلط پروپیگنڈے کی کوششوں‘کو توجہ نہ دیں۔
ترکیہ غزہ میں نسل کشی کے آغاز کے بعد سے اسرائیل کے سخت ترین ناقدین میں سے ایک رہا ہے ، وہ بار بار تل ابیب پر نسل کشی کا الزام عائد کرتا ہے اور بین الاقوامی عدالتوں میں احتساب کا مطالبہ کرتا ہے ۔
انقرہ میں حکام کا کہنا ہے کہ ترکیہ کو دہشت گردی یا علاقائی سازشوں سے جوڑنے کی مہم فلسطینیوں کی حمایت میں اس کے سفارتی موقف کو کمزور کرنے کی کوششوں کا حصہ ہے ۔
۔۔۔۔۔۔۔۔۔۔
کناڈا میں چاقو کے حملے سے نوجوان ہلاک ، متعدد زخمی
اوٹاوا /۵ستمبر
کناڈا میں ایک دور دراز مقامی برادری میں آپسی رنجش کے تحت جھگڑے میں ایک۱۸سالہ خاتون کی موت ہوگئی جبکہ متعدد افراد زخمی ہو گئے ہیں ۔ پولیس نے بتایا کہ اس خاتون کی موت چاقو کے حملے سے ہوئی ہے ۔
پولیس کے مطابق جس مشتبہ شخص نے چاقو سے حملہ کیا تھا وہ جائے وقوعہ سے فرار ہونے کی کوشش کررہا تھا۔ تفتیش کاروں کے مطابق چھرا گھونپنے والا شخص اور دیگر متاثرین جائے وقوع پر موجود تھے ۔
آر سی ایم پی کے بڑے جرائم یونٹ کے سپرنٹنڈنٹ روب لیسن نے حملے کا کوئی مشتبہ مقصد بتانے سے انکار کر دیا ، لیکن کہا کہ’متاثرین کمیونٹی میں ایک دوسرے کے جانکار تھے ‘۔
رنجش کی وجہ سے بیچ بچاؤ کرنے والے افراد بھی اس حملے میں زخمی ہوئے ہیں۔
۔۔۔۔۔۔۔۔۔