پاکستان نے افغانستان کو 39 رن سے شکست دی

شارجہ، 30 اگست (یو این آئی) کپتان آغا سلمان (ناٹ آوٹ 53) کی شاندار نصف سنچری اور حارث رؤف (چار وکٹ) کی خطرناک گیندبازی کی بدولت پاکستان نے ٹی-20 سہ فریقی سیریز کے پہلے میچ میں افغانستان کو 39 رنز سے ہرا دیا۔
شارجہ کرکٹ اسٹیڈیم میں جمعہ کی رات کھیلے گئے میچ میں پاکستان نے ٹاس جیت کر پہلے بیٹنگ کا فیصلہ کیا، محتاط اوپننگ کے آغاز کے بعد صاحب زادہ فرحان 21 اور صائم ایوب 14 رنز بنا کر پویلین واپس لوٹے، فخر زمان 17 گیندوں پر 20 رنز بنا کر محمد نبی کا شکار بنے۔
183 رنز کے ہدف کا تعاقب کرتے ہوئے افغانستان کی شروعات اچھی نہ رہی اور تیسرے اوور میں ہی ابراہیم زدران (9) کا وکٹ گنوا دیا۔ اس کے بعد صدیق اللہ اتل نے رحمان اللہ گرباز کے ساتھ مل کر دوسرے وکٹ کے لیے 50 رنز جوڑے۔ آٹھویں اوور میں محمد نواز نے رحمان اللہ گرباز کو، جو 27 گیندوں پر 39 رنز بنا چکے تھے، آؤٹ کرکے پاکستان کو دوسری کامیابی دلائی۔
افغان ٹیم کے کپتان راشد خان نے 39، رحمان اللّٰہ گرباز 38، صدیق اللّٰہ23 اور درویش رسولی21 رنز کے ساتھ نمایاں اسکور رہے ہیں، دیگر کوئی کھلاڑی دہرا ہندسہ عبور نہ کرسکے۔
پاکستان کے حارث روف نے 4، شاہین آفریدی، محمد نواز اور سفیان مقیم نے 2،2 وکٹ لینے کامیاب رہے ہیں۔