اڈیشہ کے ڈی جی پی نے کھیلوں کے قومی دن کے موقع پر 41 کھلاڑیوں کو نوازا

بھونیشور، 29 اگست (یو این آئی) اڈیشہ کے ڈائرکٹر جنرل آف پولیس (ڈی جی پی) یوگیش بہادر کھرانیہ نے جمعہ کو ہاکی کے عظیم کھلاڑی میجر دھیان چند کے یوم پیدائش کے موقع پر اڈیشہ پولیس کے 41 نمایاں کھلاڑیوں کو ’ کھیلوں کے قومی دن‘ کے موقع پر اعزاز سے نوازا۔
آج یہاں آر کے میں منعقدہ ایک تقریب میں پاڑھی میموریل ہال منعقد تقریب میں ، ڈی جی پی کھرانیہ نے کھلاڑیوں کی غیر معمولی صلاحیتوں اور بہترین کارکردگی کی تعریف کرتے ہوئے کہا کہ ان کی حصولیابیوں نے حالیہ برسوں میں پورے ملک میں اڈیشہ پولیس کے وقار میں اضافہ کیا ہے۔ انہوں نے کہا کہ یہ اعزاز اڈیشہ کی نوجوان صلاحیتوں کو کھیلوں میں حصہ لینے اور مستقبل میں اس سے بھی بڑی کامیابیاں حاصل کرنے کی ترغیب دے گا۔
انہوں نے امریکہ کے برمنگھم میں منعقدہ ورلڈ پولیس اینڈ فائر کھیلوں میں شاندار کامیابی کے لیےاڈیشہ پولیس کے سات کھلاڑیوں کی تعریف کی۔ اس مقابلے میں ان کھلاڑیوں نے 13 طلائی، تین چاندی اور چار کانسے کے تمغے جیت کر ریاستی پولیس کا نام روشن کیا۔
اس دوران ڈی جی پی نے 41 کھلاڑیوں کو انعامات اور نقد انعامات سے نوازا اور ان کے روشن مستقبل کی خواہش کی۔ اس پروگرام میں ریاست کے سینئر پولیس افسران بھی موجود تھے۔یو این آئی۔ این یو۔