نئی دہلی، 27 اگست (یواین آئی) بھارتیہ جنتا پارٹی (بی جے پی) نے کانگریس لیڈر اور قائد حزب اختلاف راہل گاندھی کی ‘‘تو تڑاک’’ زبان پر اعتراض کیا ہے اور کہا ہے کہ ایسا کرنا ان کے ڈی این اے کا حصہ بن گیا ہے ۔
بی جے پی کے ترجمان گورو بھاٹیہ نے بدھ کو ایک پریس کانفرنس میں کہا کہ مسٹر گاندھی اب شیخی بگھار رہے ہیں، وہ وزیر اعظم نریندر مودی، وزیر داخلہ امیت شاہ اور دیگر افراد کے لیے "تو تڑاک” زبان کا استعمال کرکے لفظوں کے مریادہ سے انحراف کررہے ہیں۔ انہوں نے کہا کہ مسٹر گاندھی ناپختہ ہیں، غلط زبان استعمال کرتے ہیں اور انہیں دیکھ کر لگتا ہے کہ ‘‘تو تڑوک’’ اب ان کے ڈی این اے کا حصہ ہے ۔
بی جے پی کے ترجمان نے کہا کہ ایک دن پہلے مسٹر گاندھی کے دورہ میں ترنگے کی توہین دیکھ کر پورے بہار اور ہندوستان کے لوگ دکھی ہیں۔ انہوں نے کہا کہ ہمیں یہ نہیں بھولنا چاہئے کہ بہار کی مقدس سرزمین سے زیادہ تر بہار کے لوگوں نے ترنگے کے وقار اور سربلندی کے لئے اپنی جانوں کا نذرانہ پیش کیا ہے ۔
مسٹر بھاٹیہ نے کہا کہ ترنگے کی یہ توہین برداشت نہیں کی جائے گی۔ ایسا لگتا ہے کہ گاندھی دراندازوں میں گھرے ہوئے ہیں جو ترنگے ، بہار اور ملک کے لوگوں کی توہین کرتے ہیں۔
