واشنگٹن ڈی سی میں اسلحہ بردار نیشنل گارڈ کی تعیناتی

امریکی صدر ڈونلڈ ٹرمپ کے حکم پر نیشنل گارڈ کے مسلح دستے اتوار کی رات سے واشنگٹن ڈی سی کی سڑکوں پر گشت شروع کریں گے۔
یہ اقدام دارالحکومت میں جرائم کے خلاف شروع کیے گئے بڑے کریک ڈان کا حصہ ہے۔
حکام کے مطابق نیشنل گارڈ کے اہلکار اپنے ساتھ M17 پستول اور M4 رائفلزلے کر گشت کریں گے۔ تاہم یہ واضح نہیں کیا گیا کہ کتنے اہلکار اسلحہ کے ساتھ تعینات ہوں گے۔
گزشتہ دو ہفتوں سے غیر مسلح نیشنل گارڈ کے سینکڑوں جوان واشنگٹن کی سڑکوں پر موجود ہیں، لیکن صدر ٹرمپ کی جانب سے جرائم کی ایمرجنسی کے اعلان کے بعد انہیں ہتھیاروں کے ساتھ گشت کرنے کی اجازت دے دی گئی ہے۔
وزیر دفاع پیٹ ہیگسیٹھ نے اس کی منظوری پچھلے ہفتے دی تھی۔
نیشنل گارڈ کے مشترکہ ٹاسک فورس-ڈی سی نے بیان میں کہا ہے کہ ان کے اہلکار صرف اس صورت میں طاقت استعمال کریں گے جب جان لیوا یا سنگین جسمانی نقصان کا فوری خطرہ ہو۔
صدر ٹرمپ نے عندیہ دیا ہے کہ یہ کریک ڈان صرف واشنگٹن تک محدود نہیں رہے گا بلکہ اسے شکاگو جیسے دیگر ڈیموکریٹس کے زیر انتظام شہروں تک بڑھایا جا سکتا ہے۔
دوسری جانب، ڈیموکریٹک رہنما ہیکیم جیفریز نے مقف اپنایا ہے کہ صدر ٹرمپ کو شکاگو میں فوجی تعینات کرنے کا قانونی اختیار حاصل نہیں ہے اور پینٹاگون اس حوالے سے ابھی ابتدائی منصوبہ بندی کے مرحلے میں ہے۔