جموں کے بشنوہ میں ایک شخص کی تحویل سے ہیرائن جیسا مواد بر آمد

جموں//
منشیات کے خلاف جنگ کو جاری رکھتے ہوئے پولیس نے جموں کے بشنوہ علاقے میں ایک شخص کی تحویل سے ہیرائن جیسا ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں کہا کہ منشیات اسمگلنگ کے خلاف ایک اہم کارروائی کرتے ہوئے پولیس اسٹیشن بشنوہ کی ایک ٹیم نے ایک منشیات فروش/منشیات کے عادی شخص کی تحویل سے ہیرائن جیسا مواد بر آمد کیا۔
ترجمان نے کہا کہ پولیس اسٹیشن بشنوہ میں ایف آئی آر زیر نمبر۲۰۲۵/۶۱کی تحقیقات کے دوران چک اوتارا میں ایک شخص کو دھر لیا گیا اور اس کی تحویل سے۸۰ء۹گرام ہیرائن جیسا مواد بر آمد کیا گیا۔
ملزم کی شناخت مرید ولد سیف علی ساکن جندر خورد بشنوہ کے طور پر کی گئی ہے ۔ان کا کہنا ہے کہ اس ضمن میں مزید تحقیقات جاری ہیں تاکہ اس کے ذرائع کو تلاش کیا جا سکے ۔
لوگوں سے منشیات اسمگلنگ سے متعلق سرگرمیوں کے بارے پولیس کو مطلع کرنے کی اپیل کی گئی ہے ۔