‘میں روزانہ 5 لیٹر دودھ پیتا ہوں’، ایم ایس دھونی کے حیرت انگیز انکشافات

نئی دہلی///
بھارتی کرکٹ ٹیم کے سابق کپتان ایم ایس دھونی بین الاقوامی کرکٹ سے ریٹائر ہوئے ابھی چند سال ہوئے ہیں تاہم وہ انڈین پریمیئرلیگ (آئی پی ایل) میں چنائی سپر کنگز کی نمائندگی کر رہے ہیں اور ٹیم کے مستقل کپتان کی انجری کے باعث غیرموجودگی میں کپتانی کے فرائض بھی انجام دے رہے ہیں۔
ایم ایس دھونی کے مداحوں کی بھارت میں بڑی تعداد ہے اور وہ انہیں ماضی کی طرح کامیاب کپتان دیکھناچاہتے ہیں لیکن ان کی ٹیم موجودہ سیزن میں پوائنٹس ٹیبل پر سب پیچھے ہیں اور اب 8 میں سے صرف ایک میچ میں کامیابی نصیب ہوئی ہے۔
سابق بھارتی کپتان کو فتح گر تصور کیا جاتا ہے اور اور اپنی ٹیم کو لڑانا جانتے ہیں، یہی وجہ ہے انہوں نے بھارت کو ورلڈ کپ، چمپیئنز ٹرافی سمیت تمام اہم ٹرافیاں جتوائی ہیں اور چنائی سپر کنگز کو 5 مرتبہ چمپیئن بنوا چکے ہیں۔
دھونی نے حال ہی میں ایک پروموشنل ایونٹ میں شرکت کی اور اپنے بارے میں حیرت انگیز انکشافات کیے اور اس دوران ان سے پوچھا گیا کہ آپ نے اپنے بارے میں سب سے عجیب ترین افواہ کیا سنی ہے۔
چنائی سپر کنگز کے کپتان نے انکشاف کیا کہ ‘میں روزانہ 5 کلو دودھ پیتا ہوں’، اس موقع پر اینکر یہ جانتے ہوئے کہ یہ جھوٹا بیان ہے حیرت زدہ نظر آئے۔
دھونی نے وضاحت کرتے ہوئے کہا کہ ‘میں روزانہ ہوسکتا ہے دن بھر ایک لیٹر پتا ہوں گا لیکن اس سے چار لیٹر زیادہ تو بہت زیادہ ہوگیا’۔
اینکر نے سابق کپتان سے ایک اور افواہ کے بارے میں پوچھا کہ کیا بھارتی کپتان واشنگ مشین میں لسی بناتے تھے لیکن دھونی سے فوراً نہیں میں جواب دیا اور کہا کہ میں لسی پیتا ہی نہیں۔
رپورٹ کے مطابق دھونی نے جب 05-2004 میں ڈیبیو کیا تھا تو اس دوران یہ بات مشہور تھی کہ ان کی انرجی کا راز یہی ہے کہ وہ روزانہ 5 لیٹر دودھ پیتے ہیں۔