’ غیر آئینی‘ غیر جمہوری یا ملک مخالف بل کی اجازت نہیں دیں گے ‘

جموں//
بی جے پی کے سینئر لیڈر اور اپوزیشن لیڈر سنیل شرما کا کہنا ہے کہ جموں وکشمیر اسمبلی میں کسی بھی غیر آئینی، غیر جمہوری یا ملک مخالف بل کی اجازت نہیں دی جائے گی۔
شرما نے کہا کہ یہ اچھی بات ہے کہ آج اسٹیٹ گورنمنٹ نے بھی مودی جی کے وژن کو تسلیم کیا۔
بی جے پی لیڈر نے ان باتوں کا اظہار پیر کو یہاں نامہ نگاروں کے ساتھ بات کرنے کے دوران کیا۔
شرما نے کہا’’جو اسکیمیں ہیں وہ مودی جی کی اسکیمیں ہیں اور اچھی بات ہے کہ ہ آج اسٹیٹ گورنمنٹ نے بھی مودی جی کے وژن کو تسلیم کیا‘‘۔
ان کا کہنا تھا’’ہم اسمبلی میں غیر جمہوری، غیر آئینی یا ملک مخالف کسی بھی بل یا کوئی بھی سوال کرنے کی اجازت نہیں دیں گے ‘‘۔
ایک سوال کے جواب میں شرما نے کہا’’اپوزیشن اسمبلی کے اجلاس کیلئے تیار ہے اور جو لوگوں کو مسائل ہیں ان کے متعلق ہائوس میں سرکار سے سوال کریں گے ‘‘۔
شرما نے کہا کہ سرکار جو گذشتہ پانچ مہینوں کے دوران جن مسائل کو حل کرنے میں ناکام ہوئی ہے ان مسائل کو اسمبلی میں زور و شور سے اٹھایا جائے گا۔