عالمی قبائلی دن کے موقع پر عام تعطیل کا اعلان کیا جائے : کانگریس

نئی دہلی// کانگریس نے قبائلی برادری کے ساتھ انصاف نہ ہونے کا الزام لگاتے ہوئے کہا کہ جنگل کی زمین پر ان کے حقوق کو چھین کر ان پر ظلم کیا جا رہا ہے ، اس لیے عالمی یوم قبائلی کو عام تعطیل کا دن قرار دیتے ہوئے اس برادری کے حقوق کو یقینی بنایا جانا چاہیے ۔
آدیواسی کانگریس کے چئرمین ڈاکٹر وکرانت بھوریا نے آج یہاں پارٹی ہیڈکوارٹر میں ایک پریس کانفرنس میں کہا کہ اس کمیونٹی کے لوگوں کو طرح طرح کے مظالم کا سامنا ہے ، اس لیے ان کے مسئلے پر سب کی توجہ مرکوز کرنے کے لیے حکومت کو چاہیے کہ وہ پانی، جنگل اور زمین کے لیے لڑنے کے ان کے مطالبے کو تسلیم کرے اور 9 اگست کو عالمی یوم آدیواسی پر عام تعطیل کا اعلان کرے ۔
گونڈی زبان کو آٹھویں شیڈول میں شامل کرنے کا مطالبہ کرتے ہوئے انہوں نے کہا کہ قبائلی ملک کے اصل باشندے ہیں اور ان کا اس ملک پر سب سے زیادہ حق ہے لیکن بی جے پی قبائلیوں کے آئینی حقوق کو کمزور کرکے ان کی زمینیں چھین رہی ہے ۔ قبائلیوں کی ضروریات اور قوانین مختلف ہیں، اس لیے قبائلی اضلاع میں پنچایتی راج کو مضبوط کیا جانا چاہیے کیونکہ قبائلی گرام سبھا کو دیے گئے قوانین عالمی طور پر قبول کیے جاتے ہیں، جس کا مطلب ہے کہ گاؤں میں خود حکومت ان گاؤں کے لوگوں کے ذریعے ہوگی۔ اس کا مطلب یہ بھی ہے کہ اگر گاؤں میں کوئی کام کرنا ہے تو قبائلیوں سے اجازت لینی پڑے گی لیکن حقیقت یہ ہے کہ آج ان سے کوئی مشورہ تک نہیں لیا جا رہا ہے ۔