راہل نے ماں کی صحت کا حوالہ دیتے ہوئے پوچھ گچھ ملتوی کرنے کی درخواست کی

نئی دہلی// کانگریس لیڈر راہل گاندھی نے انفورسمنٹ ڈائریکٹوریٹ (ای ڈی) کو خط لکھ کر اپنی ماں سونیا گاندھی کی صحت کا حوالہ دیتے ہوئے ان سے پوچھ گچھ ملتوی کرنے کی درخواست کی ہے۔
نیشنل ہیرالڈ معاملے میں انفورسمنٹ ڈائریکٹوریٹ گزشتہ تین دنوں سے مسٹر گاندھی سے لگاتار پوچھ گچھ کر رہا ہے۔
ذرائع کے مطابق مسٹر گاندھی نے انفورسمنٹ ڈائریکٹوریٹ کو خط لکھ کر درخواست کی ہے کہ ان کی والدہ سونیا گاندھی کی طبیعت خراب ہونے کے پیش نظر سے انسے جمعہ کو ہونے والی پوچھ گچھ ملتوی کی جائے۔ محترمہ گاندھی کورونا سے متاثر ہونے کی وجہ سے گزشتہ کچھ دنوں سے گنگا رام اسپتال میں داخل ہیں۔
انفورسمنٹ ڈائریکٹوریٹ نے مسٹر گاندھی سے پچھلے تین دنوں میں اوسطاً روزانہ تقریباً 10 گھنٹے پوچھ گچھ کی ہے۔
مسٹر گاندھی نے کہا ہے کہ وہ اسپتال میں اپنی ماں سے ملنے جانا چاہتے ہیں اس لیے جمعہ کو ان سے پوچھ گچھ نہیں کی جانی چاہیے۔ مسٹر گاندھی نے کہا ہے کہ وہ کچھ دنوں کے لیے اپنی ماں کا خیال رکھنا چاہتے ہیں۔