لداخ سڑک حادثے میں دو جے سی اوز ہلاک‘ فوج کا خراج عقیدت

لیہہ//
لداخ میں ایک حادثے میں دو جونیئر کمیشنڈ افسران (جے سی او) ہلاک ہو گئے ہیں۔ عہدیداروں نے منگل کو بتایا کہ فوج نے ڈیوٹی کے دوران اپنی جانوں کا نذرانہ پیش کرنے والے بہادر وں کو زبردست خراج عقیدت پیش کیا۔
عہدیدار نے بتایا کہ جنوبی لداخ میں لیہہ سے۱۵۰ کلومیٹر دور نیوما علاقے میں ایک کیمپ میں پانی کا ٹینک پھٹنے سے صوبیدار سنتوش کمار اور نائب صوبیدار سنیل کمار کی موت ہوگئی۔
انہوں نے بتایا کہ اتوار کے روز پیش آنے والے اس واقعہ کی پولیس تحقیقات کر رہی ہے۔
ناردرن آرمی کے کمانڈر لیفٹیننٹ جنرل سچندر کمار نے شہید فوجیوں کی عظیم قربانی کو سلام پیش کیا۔
لیہہ میں واقع فائر اینڈ فیوری کور کی ایک پوسٹ شیئر کرتے ہوئے ناردرن کمانڈ نے منگل کے روز لکھا کہ لیفٹیننٹ جنرل کمار اور دھروا کمانڈ کے سبھی رینکس بہادر وں سب سنتوش کمار اور این بی سب سنیل کمار کی عظیم قربانی کو سلام پیش کرتے ہیں جنہوں نے لداخ میں ڈیوٹی کے دوران اپنی جانوں کا نذرانہ پیش کیا۔
فائر اینڈ فیوری کور نے دونوں جے سی اوز کی تصاویر شیئر کرتے ہوئے لکھا کہ جی او سی، فائر اینڈ فیوری کور اور تمام رینکس صوبیدار سنتوش کمار اور نائب صوبیدار سنیل کمار کو سلام پیش کرتے ہیں جنہوں نے۱۶فروری کو لداخ میں ڈیوٹی کے دوران سب سے بڑی قربانی دی اور دکھ کی اس گھڑی میں سوگوار خاندانوں کے ساتھ گہری تعزیت کا اظہار کرتے ہیں۔