نئی دہلی// ارتھ سائنسز کے وزیر جتیندر سنگھ نے آج راجیہ سبھا میں بتایا کہ زلزلے کے اثرات سے نمٹنے کے لیے ملک کی تیاری دنیا سے بہتر ہے ۔

ڈاکٹر سنگھ نے ایوان میں وقفہ سوالات کے دوران ایک ضمنی سوال کا جواب دیتے ہوئے کہا کہ نیشنل ڈیزاسٹر مینجمنٹ اتھارٹی کے تحت نیشنل ڈیزاسٹر رسپانس فورس تشکیل دی گئی ہے ۔ ملک کے تمام حصوں میں اس کی اکائیاں بنائی گئی ہیں۔ انہوں نے کہا کہ گجرات کے ساحلی علاقے اور پہاڑی علاقے زلزلے کے لحاظ سے حساس ہیں۔ تمام علاقوں میں رصد گاہیں قائم کر دی گئی ہیں۔
انہوں نے کہا کہ ملک میں زلزلہ مزاحم بلڈنگ ٹیکنالوجی کو اپنایا گیا ہے ۔ اسکولوں اور اسپتالوں کی عمارتوں پر خصوصی توجہ دی گئی ہے ۔ پرانی عمارتوں کی تعمیر کے لیے حکومت کی جانب سے مالی مدد بھی فراہم کی جا رہی ہے ۔ انہوں نے کہا کہ آفات سے نمٹنے کے لیے وقتاً فوقتاً مشقیں بھی کی جاتی ہیں۔ عوامی آگاہی مہم بھی چلائی جا رہی ہے ڈیزاسٹر مینجمنٹ کی تربیت بھی دی جارہی ہے ۔
انہوں نے کہا کہ پہاڑی علاقوں میں تجرباتی بنیادوں پر زلزلہ سے قبل وارننگ سسٹم نصب کر دیا گیا ہے ۔ اس میں وقت کے ساتھ تبدیلیاں کی جائیں گی۔