آسٹریلیا خواتین ٹیم نے انگلینڈ کو 86 رن سے شکست دے دی

ہوبارٹ// ایشلی گارڈنر (102) کی سنچری، تالیا میک گرا (55) اور بیتھ مونی (50) کی نصف سنچریوں کے بعد الانا کنگ (پانچ وکٹ) اور میگن شوٹ (تین وکٹ) کی شاندار گیندبازی کی بدولت آسٹریلیا کی خواتین ٹیم نے جمعہ کو تیسرے ون ڈے میں انگلینڈ کو 86 رن سے شکست دی۔ اس کے ساتھ ہی آسٹریلیا نے تین میچوں کی سیریز بھی 3-0 سے جیت لی ہے۔
آسٹریلیا کے 308 رن کے جواب میں بیٹنگ کے لیے آنے والی انگلینڈ کی شروعات خراب نہیں تھی اس نے 29 کے اسکور پر مایا باؤچیئر اور ہیتھر نائٹ کی وکٹیں گنوا دیں۔ اس کے بعد نیٹ سائبر برنٹ بیٹنگ کے لیے آئی اور ٹیمی بیومونٹ کے ساتھ مل کر اننگز کی ذمہ داری سنبھالی۔ دونوں بلے بازوں کے درمیان 89 رن کی شراکت ہوئی۔ جارجیا ویرہم نے ٹیمی بیومونٹ (54) کو آؤٹ کر کے شراکت توڑ دی۔ ویرہم نے پھر ہیدر نائٹ (61) کو اپنا شکار بنایا۔ انگلینڈ کی کوئی بھی بلے باز آسٹریلیائی باؤلنگ اٹیک کے سامنے زیادہ دیر تک ٹک نہ سکی اور ڈینیئل وائٹ (35)، ایمی جونز (30) اور شارلٹ ڈین (12) پر آؤٹ ہوئیں۔ الانا کنگ اور میگن شوٹ نے مہلک بولنگ کا مظاہرہ کرتے ہوئے انگلینڈ کو 42.2 اووروں میں 222 رنز پر سمیٹ کر میچ 86 رن سے جیت لیا اور سیریز بھی 3-0 سے جیت لی۔
اس سے قبل آج آسٹریلیا نے ٹاس جیت کر پہلے بیٹنگ کا فیصلہ کیا۔ آسٹریلیا کی بیٹنگ کی شروعات اچھی نہیں رہی اور اس نے 59 کے اسکور پر چار وکٹیں گنوادیں۔ فیبی لیچ فیلڈ (15)، ایلیس پیری (2)، کپتان الیسا ہیلی (15) اور اینابیل سدرلینڈ (10) رن بنا کر آؤٹ ہوئیں۔ اس کے بعد ایشلے گارڈنر بیٹنگ کے لیے آئیں اور بیتھ مونی کے ساتھ مل کر اننگز کو سنبھالنے کی کوشش کی۔ دونوں بلے بازوں کے درمیان پانچویں وکٹ کے لیے 95 رن کی شراکت ہوئی۔ شارلٹ ڈین نے 33ویں اوور میں بیتھ مونی (50) کو آوٹ کرکے اس شراکت کو توڑا۔ تالیا میک گرا نے 45 گیندوں میں آٹھ چوکے لگاتے ہوئے (55) رن کی اننگز کھیل۔ الانا کنگ (نو) رن بناکر آؤٹ ہوئیں۔ ایشلے گارڈنر نے آٹھ چوکوں اور ایک چھکے کی مدد سے (102) رن بنائے۔ جارجیا ویرہم (38 ناٹ آؤٹ) رن بنائے۔ آسٹریلیا نے مقررہ پچاس اووروں میں آٹھ وکٹوں پر 308 رن بنائے۔
انگلینڈ کی جانب سے لارین بیل، نٹالی برنٹ اور شارلٹ ڈین نے دو دو وکٹیں حاصل کیں۔ لارین فائلر اور سوفی ایکلسٹن نے ایک ایک بلے باز کو آؤٹ کیا۔