شام کو گلابی گیند سے کھیلنا مشکل ہے: پجارا

ایڈیلیڈ//) ہندوستان اور آسٹریلیا کے درمیان ہونے والے دوسرے ڈے اینڈ نائٹ ٹیسٹ میچ کے بارے میں ہندوستانی کرکٹ ٹیم کے سابق بلے باز چیتشور پجارا نے کہا کہ سرخ اور گلابی گیندوں میں فرق ہوتا ہے اور اس کے ساتھ شام میں کھیلنا مشکل ہوتا ہے۔
پجارا نے کہاکہ ’’جو بھی گلابی گیند سے ٹیسٹ کھیلا ہے وہ آپ کو بتائے گا کہ شام کو بیٹنگ کرنا سب سے مشکل ہوتا ہے۔ اس وقت نہ مکمل روشنی ہوتی ہے اور نہ ہی مکمل اندھیرا۔ اس وقت اسٹیڈیم کی بتیاں جلتی ہیں اور پھر آپ کچھ کم دیکھ سکتے ہیں۔ اس وقت بلے بازوں کے لیے گلابی گیند کھیلنا زیادہ مشکل ہوتا ہے۔
انہوں نے کہاکہ ’’آپ نے دیکھا ہوگا کہ سرخ گیند زیادہ نہیں چمکتی۔ اس میں پینٹ کی مزید تہیں ہیں، جو جلدی نہیں جاتیں۔ جب آپ کو سرخ گیند کا سامنا ہوتا ہے تو یہ چمڑے کی ایک عام گیند ہوتی ہے جو جلد پرانی ہوجاتی ہے۔ جبکہ گلابی گیند طویل عرصے تک اپنی چمک برقرار رکھتی ہے۔
انہوں نے کہاکہ “گلابی گیند میں پینٹ کی زیادہ تہیں ہوتی ہیں اور جب یہ پچ پر گرتی ہے یا روشن سائیڈ پر بھی گرتی ہے تو اس میں کچھ زیادہ خطرہ ہوتا ہے۔ ایسے وقت میں بلے باز کے طور پر آپ کے پاس وقت کم ہوتا ہے۔ آپ کے پاس اتنا وقت نہیں ہے جتنا کہ سرخ گیند کھیلنے کے لیے ہے اور یہی وہ بڑا فرق ہے جس کے لیے آپ کو ڈھلنا ہوگا۔