میک سوینی اوپننگ اور مارش گیندبازی کے لیے: کمنز

پرتھ//آسٹریلیائی کپتان پیٹ کمنز نے کہا کہ ٹیسٹ ڈیبیو کرنے والے نیتھن میک سوینی اوپننگ کے لیے تیار ہیں اور زخمی کیمرون گرین کی جگہ ٹیم میں شامل آل راؤنڈر مچل مارش بولنگ کریں گے۔
آج یہاں صحافیوں کے سوالات کے جواب میں کمنز نے کہا کہ نیتھن میک سوینی اوپننگ کے لیے تیار ہیں اور مارش اس میچ میں یقینی طور پر بولنگ کریں گے۔ وہ ایک آل راؤنڈر ہے اور ہمارے چاروں گیند بازوں کی مدد کریں گے۔
انہوں نے کہا کہ ہم نے کبھی کسی کے لیے اوورز کی حد طے نہیں کی لیکن وہ باؤلنگ کرنے کے لیے تیار ہیں اور ہم ان سے جتنی گیندبازی چاہئے کرائیں گے۔ انہوں نے اس ہفتے اچھی گیند بازی کی ہے اور ان کا جسم بھی اس کے لیے تیار ہے۔
انہوں نے کہا کہ”وہ ہمیشہ گیند سے متاثر کرنے کی کوشش کرر ہے ہیں، جو کہ اچھی بات ہے۔ انہیں گیندبازی پسند ہے اور وہ ایک ایسے کھلاڑی ہیں جو ہمیشہ کھیل میں شامل رہنا چاہتے ہیں۔ انہوں نے حال ہی میں کوئنز لینڈ کے لیے مفید گیند بازی کی ہے، اس کے علاوہ ان کے پاس لیگ اسپن اور آف اسپن کا آپشن بھی ہے۔ ہوسکتا ہے کہ انہیں بھی اس سیریز کے دوران اپنے باؤنسر دکھانے کا موقع ملے۔
اپنے بارے میں بات کرتے ہوئے کمنز نے کہا، ’’میری تیاری اچھی رہی ہے اور امید ہے کہ یہ موسم گرما میرے لیے اچھا رہے گا۔ میں خوش قسمت ہوں کہ مجھے اس سیریز سے پہلے چار پانچ ماہ کا وقفہ ملا لیکن اس کے بعد سے میں دوبارہ اتنا ہی مضبوط، فٹ اور تازہ دم محسوس کر رہا ہوں۔