سری نگر کے قمر واری علاقے میں لاش برآمد

سرینگر//
سرینگر کے برتھنہ قمر واری علاقے میں کپواڑہ سے تعلق رکھنے والے شہری کی لاش برآمد کی گئی ہے ۔
اطلاعات کے مطابق بدھ کی صبح چند مقامی افراد نے برتھنہ قمر واری میں سڑک کے کنارے ایک لاش دیکھی اور اس بارے میں پولیس کو مطلع کیا ۔
پولیس ٹیم فوری طورپر جائے موقع پر پہنچی اور لاش کو تحویل میں لے کر اس کی شناخت کیلئے کارروائی شروع کی۔
ذرائع کا کہنا ہے کہ متوفی سرحدی ضلع کپواڑہ کا ساکن ہے ۔
دریں اثنا پولیس نے معاملے کی نسبت کیس درج کرکے تحقیقات شروع کی ۔