ہندوستان نے بنگلہ دیش کو شکست دے کر سیف انڈر 17 کا خطاب جیتا

تھمپو (بھوٹان)// ہندوستان کی فٹ بال ٹیم نے فائنل میچ میں بنگلہ دیش کو 2-0 سے شکست دے کر سیف انڈر 17 چیمپئن شپ کا اپنا خطاب برقرار رکھا۔
پیر کی رات یہاں کے چانگلیمتھانگ اسٹیڈیم میں کھیلے گئے میچ کا پہلا ہاف بنگلہ دیش کے خلاف ہندوستان کے گروپ لیگ میچ جیسا تھا۔ جہاں ہندوستانی کھلاڑی مسلسل حملہ آور رہے۔ جبکہ بنگلہ دیش کے چھ کھلاڑی دفاع کی حالت میں رہے۔ اس کے بعد پہلے ہاف میں ناقص کارکردگی کے بعد محمد کیف نے 58ویں منٹ میں ہیڈر کے ذریعے شاندار گول کر کے ہندوستان کو برتری دلا دی۔ اس کے بعد 95ویں منٹ میں محمد ارباز نے اپنے بائیں پاؤں سے شاندار گول کر کے ہندوستان کی برتری کو دگنا کر دیا۔
ہندوستانی کھلاڑیوں نے میچ کے آغاز سے ہی جارحانہ انداز اپنایا لیکن دفاعی ذہنیت کے ساتھ میدان میں اترنے والی ٹیم کے خلاف گول کرنا کبھی آسان نہیں ہوتا ہے۔ میچ کے دوران بنگلہ دیش صرف ایک بار ہندوستانی گول کے قریب پہنچا۔ گول ماؤتھ پر کراس کو گول کیپر سورج سنگھ نے بروقت روک دیا۔
محمد ارباز کو ٹورنامنٹ کا بہترین کھلاڑی اور اہبام سورج سنگھ کو ٹورنامنٹ کا بہترین گول کیپر قرار دیا گیا۔