میں بی جے پی کے کروڑوں کارکنوں کے نظریے کا خیر مقدم کرتا ہوں: نڈا

بھوپال// بھارتیہ جنتا پارٹی کے صدر جے پی نڈا نے آج مدھیہ پردیش کی راجدھانی بھوپال میں اپنے استقبال سے سرشارہو کر کہا کہ یہ استقبال نہ صرف ان کا استقبال ہے بلکہ بی جے پی کے کروڑوں کارکنوں کا نظریہ ہے۔
آج یہاں اسٹیٹ ہینگر میں اپنے استقبال کے بعد کارکنوں سے خطاب کرتے ہوئے نڈا نے کہا کہ شاید بہت سے لوگ ان کا پورا نام بھی نہیں جانتے ہوں گے، لیکن وہ بھی بڑی خوشی کے ساتھ ان کا استقبال کرنے آئے ہیں۔ انہوں نے کہا کہ آج جس خوشی اور مسرت کے ساتھ ان کا استقبال کیا گیا ہے وہ دل کو سرشار کر دینے والا ہے۔
انہوں نے کہا کہ اس سے یہ احساس ہوتا ہے کہ یہ استقبال صرف ان کا استقبال نہیں ہے، بلکہ کروڑوں بی جے پی کارکنوں کے نظریے کا خیرمقدم ہے۔