قتل کا مقدمہ؛ شکیب ٹیم کے ہمراہ وطن نہیں جائیں گے؟

ڈھاکہ//
پاکستان کو ٹیسٹ سیریز میں تاریخی شکست دینے والی بنگلادیشی کے آل راؤنڈر ٹیم کے ہمراہ وطن نہیں جائیں گے۔
میڈیا رپورٹس کے مطابق قتل کے مقدمے میں نامزد بنگلادیشی آل راؤنڈر و سابق ممبر اسمبلی شکیب الحسن پاکستان کیخلاف سیریز کے بعد ٹیم کے ہمراہ وطن واپس روانہ نہیں ہوں گے۔
بنگلا دیش کرکٹ ٹیم اور آفیشلز دو مختلف پروازوں سے وطن واپس جا رہے ہیں، بنگال ٹائیگرز کی ٹیم کراچی سے دبئی اور دوحا کے راستے بنگلادیش روانہ ہوگی۔
تاہم ائیرپورٹ ذرائع کا بتانا ہے کہ بنگلا دیش کرکٹ ٹیم کے سینئر کھلاڑی شکیب الحسن وطن واپس نہیں جا رہے۔
دوسری جانب سیریز میں فتحیاب بنگلادیش کی ٹیم وطن واپسی کے لیے کراچی ائیرپورٹ پہنچ گئی ہے۔ گزشتہ رات بنگلادیش کی ٹیم نے رات گئے ہوٹل میں قیام کیا تھا۔
شکیب الحسن کے خلاف 22 اگست کو ڈھاکا میں قتل کا مقدمہ درج ہوا تھا، وہ سابق وزیراعظم حسینہ واجد کی حکومت میں ممبر اسمبلی منتخب ہوئے تھے۔
رپورٹس میں دعویٰ کیا گیا ہے کہ شکیب الحسن فی الحال کراچی سے دبئی چلے گئے ہیں۔
آل راؤنڈر کی واپسی سے متعلق فیصلہ بنگلادیش کی نگراں حکومت کرے گی۔
بنگلادیشی کرکٹر پر ڈھاکا میں گارمنٹ فیکٹری کے ملازم کے قتل کا مقدمہ درج ہے، جس میں انکے علاوہ سابق وزیراعظم اور عوامی لیگ کی سربراہ شیخ حسینہ واجد اور اداکار فردوس احمد سمیت 154 افراد کو نامزد کیا گیا ہے۔