جموں میں غیر قانونی طور پر قیام پذیر بنگلہ دیشی خاتون گرفتار

جموں//
پولیس نے جموں شہر کے تالاب تلو علاقے میں ایک مقامی لڑکے کے ساتھ شادی کے بعد غیر قانونی طور پر مقیم ایک بنگلہ دیشی خاتون کو گرفتار کیا ہے ۔
پولیس ذرائع نے بتایا کہ سال۲۰۲۲میں تین مہینوں کے ویزا پر جموں آنے والی جوناکہ چیرام نامی ایک بنگلہ دیشی خاتون کو حراست میں لیا گیا ہے ۔
انہوں نے کہا کہ اس خاتون نے ترکوٹہ نگر علاقے سے تعلق رکھنے والے ایک لڑکے کے ساتھ شادی کی تھی اوردونوں تالاب تلو کی پورن نگر بستی میں رہائش پذیر تھے ۔
پولیس ذرائع نے بتایا کہ مذکورہ خاتون کا تین ماہ کا ویزا مئی۲۰۲۲کو ختم ہوا تھا لیکن وہ واپس اپنے وطن نہیں چلی گئی تھی اور یہاں اپنے غیر قانونی قیام کے دوران اس نے ایک مقامی شخص کے ساتھ شادی کی۔انہوں نے کہا کہ مصدقہ اطلاع پر کارروائی انجام دیتے ہوئے نوآباد کی ایک پولیس ٹیم نے خاتون کو حراست میں لیا اور اس کوسات دنوں کی پولیس ریمانڈ میں بھیج دیا گیا ہے ۔
ذرائع نے کہا کہ اس ضمن میں ایک کیس درج کرکے مزید تحقیقات شروع کی گئی ہے۔