’اللہ کے سامنے رونا‘، ثانیہ مرزا کی معنی خیز پوسٹ وائرل

ممبئی// بھارت کی عالمی شہرت یافتہ سابق ٹینس سٹار ثانیہ مرزا کی معنی خیز پوسٹ سوشل میڈیا پر وائرل ہوگئی۔ فوٹو اینڈ شیئرنگ ایپ انسٹاگرام سٹوری پر سابق ٹینس سٹار ثانیہ مرزا نے ایک پوسٹ ری شیئر کی ہے جس میں انہوں نے اللہ کے سامنے رونے کو بہتر قرار دیا، شیئر کی گئی پوسٹ میں لکھا ’جائے نماز پر اللّہ کے سامنے رونا انسانوں کے سامنے رونے سے کروڑ ہا بار بہتر ہے۔
‘ واضح رہے کہ گذشتہ ماہ سابقہ کھلاڑی نے اپنے والد و بہن کے ہمراہ حج کی سعادت حاصل کی ہے، انہوں نے اس خوبصورت سفر کی چند تصاویر و ویڈیوز شیئر کی تھی۔ ثانیہ مرزا نے پوسٹ میں لکھا تھا کہ ’صرف یہ کہوں گی کہ یہ زندگی بھر کا یاد گار اور خاص سفر ہے تو کم ہوگا، یہ میرے لیے جسم و روح کا ایک ناقابل یقین تجربہ ہے جس کے بارے میں میں کبھی سوچ بھی نہیں سکتی، الحمدُ للہ اور سبحان اللہ ‘۔