اوڑی میں دراندازی کی کوشش ناکام آپریشن جاری:فوج

سرینگر//
شمالی کشمیر کے اوڑی سیکٹر میں فوج نے دراندازی کی کوشش کو ناکام بنانے کا دعویٰ کیا ہے ۔
دفاعی ترجمان کے مطابق علاقے میں آپریشن ہنوز جاری ہے ۔
اطلاعات کے مطابق مصدقہ اطلاع موصول ہونے کے بعد فوج نے اوڑی سیکٹر کے بجرنگ علاقے میں تلاشی آپریشن شروع کیا جس دوران وہاں پر موجود ملی ٹینٹوں اور فورسز کے مابین گولیوں کا تبادلہ شروع ہوا۔
سری نگر نشین دفاعی ترجمان کے مطابق ہفتے کے روز فوج نے مصدقہ اطلاع ملنے کے بعد اوڑی سیکٹر میں ملی ٹینٹ مخالف آپریشن شروع کیا۔انہوں نے بتایا کہ جوں ہی فوجی جوان مشتبہ مقام کے نزدیک پہنچے تو وہاں پر موجود ملی ٹینٹوں اور فورسز کے مابین شدید گولیوں کا تبادلہ شروع ہوا۔ان کے مطابق سیکورٹی فورسز نے ایک وسیع العریض علاقے کو محاصرے میں لے کر فرار ہونے کے سبھی راستوں پر پہرے بٹھائے ہین۔
دفاعی ترجمان نے بتایا کہ علاقے میں دوبدو گولیوں کا تبادلہ جاری ہے ۔اس سلسلے میں مزید تفصیلات کا انتظار ہے ۔
۔۔۔۔۔۔۔۔۔۔۔۔