۱۰جون سے گرمی کی لہر ایک بار پھر سر اٹھا سکتی ہے

سرینگر//
محکمہ موسمیات نے مزید بارشوں کی پیش گوئی کرتے ہوئے جموں وکشمیر میں۱۰جون سے گرمی کی لہر ایک بار پھر شروع ہونے کا امکان ظاہر کیا ہے ۔
متعلقہ محکمے ڈائریکٹر مختار احمد نے کہا کہ جموں وکشمیر میں۷جون تک موسم جزوی ابر آلود رہ سکتا ہے اور اس دوران کہیں کہیں گرج چمک کے ساتھ بارشیں ہوسکتی ہیں اور تیز ہوائیں بھی چل سکتی ہیں۔
احمد نے کہا کہ۸جون کو بھی موسم ابر آلود رہنے کے ساتھ کہیں کہیں بارشوں کا امکان ہے ۔ان کا کہنا تھا کہ بعد ازاں۹سے۱۵جون تک موسم مجموعی طور پر خشک رہنے کی توقع ہے ۔
ڈائریکٹر نے کہا کہ جموں وکشمیر میں ۱۰جون سے ہیٹ اور گرم موسم ایک بار شروع ہونے کا امکان ہے ۔انہوں نے کہا کہ اس دوران درجہ حرارت میں بھی اضافہ درج ہونے کی توقع ہے ۔
دریں اثنا سری نگر میں گذشتہ چوبیس گھنٹوں کے دوران۸ء۵ملی میٹر بارش ریکارڈ ہوئی ہے جبکہ کپوارہ میں۹ء۵ملی میٹر، کوکرناگ میں۴ء۱۴ملی میٹر، جموں میں۲ء۹ملی میٹر، بانہال میں۲ء۱۷ملی میٹر، کٹرہ میں۷ء۱۲ ملی میٹر اور بھدر واہ میں۷ء۱۷ملی میٹر بارش ریکارڈ ہوئی ہے ۔
وادی کے مشہور سیاحتی مقامات گلمرگ اور پہلگام میں بالترتیب۰ء۱۵ملی میٹر اور پہلگام میں۸ء۸ملی میٹر بارش ریکارڈ ہوئی ہے ۔
ادھر وادی کے شبانہ درجہ حرارت میں کہیں اضافہ تو کہیں گراوٹ ریکارڈ ہوئی ہے ۔
گرمائی دارلحکومت سری نگر میں کم سے کم درجہ حرارت۲ء۱۲ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۶ء۱۲ڈگری سینٹی گریڈ ریکارڈ ہوا تھا۔
سیاحتی مقام گلمرگ میں کم سے کم درجہ حرارت۲ء۳ ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۶ء۴ڈگری سینٹی گریڈ ریکارڈ ہوا تھا۔
ایک اور سیاحتی مقام پہلگام میں کم سے کم درجہ حرارت ۰ء۹ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۵ء۷ڈگری سینٹی گریڈ ریکارڈ ہوا تھا۔
شمالی ضلع کپوارہ میں کم سے کم درجہ حرارت۹ء۱۱ ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۳ء۱۱ڈگری سینٹی گریڈ ریکارڈ ہوا تھا۔
قصبہ قاضی گنڈ میں کم سے کم درجہ حرارت۸ء۱۱ ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے۰ء۱۱ڈگری سینٹی گریڈ ریکارڈ ہوا تھا۔