مفت راشن کا لالچ دے کر گمراہ کررہی ہے بی جے پی:مایاوتی

مرزاپور//بہوجن سماج پارٹی(بی ایس پی) سپریمو مایاوتی نے جمعرات کو کہ اکہ بی جے پی مفت راشن اور اچھے دن کا لالچ دے کر لوگوں کو گمراہ کررہی ہے جبکہ پونجی پتیوں کو مالا مال کرنے کے لئے ہر سطح پر چھوٹ دے رہی ہے ۔
مرزاپور کے مڑہان میں ایک انتخابی ریلی سے خطاب کرتے ہوئے انہوں نے کہا’ ماحول دیکھ کر لگتا ہے کہ مرکزی میں بی جے پی حکومت آسانی سے واپس نہیں لوٹ پائے گی۔ ملک کے عوام سمجھ چکے ہیں۔ مفت راشن بی جے پی اور آر ایس ایس کے لوگ اپنے گھر سے نہیں دیتے ہیں۔ یہ عوام کے ٹیکس سے دیا جاتا ہے ۔
الکٹورل بانڈ پر سپریم کورٹ کے فیصلے کا ذکر کرتے ہوئے انہوں نے کہا کہ بی ایس پی ہی واحد پارٹی ہے جس نے انتخابی چندے کے نام پر ایک بھی پیسہ نہیں لیا ہے وہیں بی جے پی اور کانگریس پونجی پتیوں۔ دھنہ سیٹھوں سے اربوں کھربوں روپئے لے کر تنظیم اور انتخابات میں خرچ کررہے ہیں۔
انہوں نے کہا کہ جانچ ایجنسیوں سیاست کے زیر اثر ہیں اور ان کا سیاسی فائدہ کے لئے استعمال کیا جارہا ہے ۔ اصل میں بی جے پی ذات، فرقہ واریت کا سہارا لے رہی ہے ۔ کانگریس اور اس کی اتحادی جماعتیں ہوا ہوائی انتخابی اعلان کررہے ہیں۔ اس وقت غریبی مہنگائی۔ بے روزگار بڑھی ہے ۔ ذات کو دیکھ کر ہراسانی کی جارہی ہے ۔ سب سے زیادہ برہمنوں کی ہراسانی کی جارہی ہے ۔
اترپردیش کی چار بار کی وزیر اعلی رہی مایاوتی نے اپنے رائے دہندگان سے کہا کہ میڈیا میں دکھائے جارہے سروے پول پر یقینی نہ کریں اور بی ایس پی کو ووٹ دیں۔