ڈونلڈ ٹرمپ کی حمایت میں نوجوان ماڈل سامنے آگئی

واشنگٹن//
امریکا کے سابق صدر ڈونلڈ ٹرمپ کی جماعت ری پبلکن کی حمایت میں نوجوان خاتون ماڈل سامنے آگئی۔
رپورٹس کے مطابق 28 سالہ الزبیتھ پپکو نے امید ظاہر کی ہے کہ ڈونلڈ ٹرمپ دوبارہ صدر منتخب ہوں گے۔
رپورٹس کے مطابق امریکی ماڈل کے شوہر بھی ٹرمپ کی مہم کے لیے کام کرتے ہیں۔
امریکی میڈیا کے مطابق الزبیتھ پپکو نے کہا ہے کہ ڈونلڈ ٹرمپ جن چیزوں سے گزر رہے ہیں وہ غیر حقیقی ہیں، بہت سے لوگ ایسی چیزوں کے خلاف سابق صدر کا اصل کردار دیکھتے ہیں۔
خاتون ماڈل کا کہنا ہے کہ یہ امریکا کی تاریخ کے سب سے بڑے انتخابات میں سے ایک ہیں۔
غیرملکی میڈیا کے مطابق الزبیتھ پپکو 17 سال کی عمر سے ماڈلنگ کر رہی ہیں اور ماضی میں ٹرمپ کی حمایت کرنے پر ان کے کیریئر کو بھی نقصان پہنچا تھا۔
غیرملکی میڈیا کے مطابق الزبیتھ پپکو نے ڈونلڈ ٹرمپ کی 2016ء کی صدارتی مہم میں بھی کام کیا تھا۔