چنار کور کمانڈر نے کنٹرول لائن پر دراندازی کے خلاف گرڈ کا جائزہ لیا

سرینگر//
فوج کی سرینگر میں قائم چنار کور کے کمانڈر لیفٹیننٹ جنرل راجیو گھئی نے منگل کو جموں و کشمیر کے ضلع کپواڑہ میں لائن آف کنٹرول پر دراندازی کے خلاف گرڈ اور فورس کی آپریشنل تیاریوں کا جائزہ لیا۔
فوج نے کہا کہ چنار کور کمانڈر نے فوجیوں کے ساتھ بات چیت کی اور انہیں سخت موسمی حالات اور علاقے کے باوجود آپریشنل تیاری اور حوصلے کو برقرار رکھنے کی ترغیب دی۔
چنار کور نے’ایکس‘پر ایک پوسٹ میں کہا’’چنار کور کے کمانڈرنے آج ضلع کپوارہ کیرن سیکٹر میں ایل او سی پر تعینات فرنٹ لائن یونٹس کا دورہ کیا تاکہ انسداد دراندازی گرڈ اور آپریشنل تیاریوں کا جائزہ لیا جاسکے۔‘‘