سوپور میں تین جنگجو معاونین گرفتار

سرینگر//
جموں و کشمیر پولیس نے شمالی کشمیر کے قصبہ سوپور میں تین جنگجو معاونین کو گرفتار کرکے ان کی تحویل سے ایک پستول اور کچھ قابل اعتراض مواد بر آمد کرنے کا دعویٰ کیا ہے ۔
ایک پولیس ترجمان نے اپنے ایک بیان میں کہا کہ سوپور پولیس نے فوج کی۲۲آر آر اور سی آر پی ایف کی۱۷۹ویںبٹالین کے ساتھ فروٹ منڈی کراسنگ پر تین افراد کو مشتبہ حالت میں دیکھا جو فرار ہونے کی کوشش کر رہے تھے ۔
ترجمان نے کہا کہ سیکورٹی فورسز نے تینوں کو روک کر دھر لیا۔ان کا کہنا تھا کہ تلاشی کے دوران ان کی تحویل سے ایک پستول اور موبائل فون بر آمد کئے گئے ۔
بیان میں گرفتار شدگان کی شناخت فیصل احمد کاچرو ولد فاروق احمد کاچرو ساکن بابا یوسف سوپور، عاقب معراج کنہ ولد معرااج الدین کنی ساکن سنگرامہ سوپور اور عادل اکبر گوجری ولد اکبر گوجری ساکن کوشل متو سوپور کے طور پر کی گئی ہے ۔انہوں نے کہا کہ تینوں اپنے موبائل فونوں کے مواد کو درست ثابت کرنے میں ناکام رہے جس میں مجرمانہ شواہد موجود تھے ۔
بیان کے مطاب اس سلسلے میں یو اے پی اے ایکٹ کے متعلقہ دفعات کے تحت ایک کیس درج کرکے مزید تحقیقات شروع کی گئی۔