میڈرڈ اسپین ماسٹرز کے دلچسپ کوارٹر فائنل میچ میں پی وی سندھو کو شکست

میڈرڈ//ہندوستانی بیڈمنٹن اسٹار اور دو بار کی اولمپک تمغہ جیتنے والی پی وی سندھو کو میڈرڈ اسپین ماسٹرز 2024 کے کوارٹر فائنل میں تھائی لینڈ کے خلاف شکست کا سامنا کرنا پڑا۔
پی وی سندھو کو جمعہ کو ایک گھنٹہ 17 منٹ تک جاری رہنے والے خواتین کے سنگلز مقابلے میں تھائی لینڈ کی سوپانیدا کیتھونگ کے خلاف 26-24، 17-21، 20-22 سے شکست کا سامنا کرنا پڑا۔
ہندوستانی بیڈمنٹن کھلاڑی اور تھائی لینڈ کے شٹلر کے درمیان شروع سے ہی سخت مقابلہ ہوا اور بیچ بیچ میں دونوں کھلاڑی ایک دوسرے پر حاوی دکھائی دیں لیکن سندھو نے پہلا گیم 26-24 سے جیت لیا۔
دوسرے گیم میں ایک بار پھر ہندوستانی کھلاڑیوں کا دبدبہ دیکھنے کو ملا۔ لیکن کیتھونگ نے جلد ہی واپسی کی اور 19-17 کی برتری حاصل کر لی۔ اس کے بعد انہوں نے بیک ٹو بیک پوائنٹس حاصل کرتےہوئے دوسرے گیم کو 21-17 سے جیت لیا۔
اس کے بعد ہونے والے فیصلہ کن میچ میں پراعتماد سندھو نے اپنا تسلط برقرار رکھا اور 7-3 کی یک طرفہ برتری حاصل کر لی، لیکن میچ اس وقت مزید دلچسپ ہو گیا جب تھائی لینڈ کی شٹلر نے واپسی کی اور سندھو کے خلاف 15-13 کی برتری حاصل کر لی۔ اس دوران سندھو نے کچھ پوائنٹس حاصل کرکے واپسی کی کوشش کی لیکن آخر میں سوپانیدا نے 22-20 سے میچ جیت لیا۔
اس کے علاوہ مکسڈ ڈبلز زمرے میں سمیت ریڈی اور این سکی ریڈی کی جوڑی نے ریحان نوفل اور لیزا آیو کی انڈونیشیا کی جوڑی کو 14-21، 21-11، 21-17 سے شکست دے کر مقابلہ کے کوارٹر فائنل میں جگہ بنائی۔ اس کے ساتھ ہی ہندوستانی مکسڈ ڈبلز جوڑی سیمی فائنل میں پہنچ گئی ہے۔
وہیں ہندوستانی خواتین کے ڈبلز میں تنیشا کرسٹو اور اشونی پونپا کی جوڑی کو چینی تائپے کی جوڑی کے خلاف 21-13، 21-19 سے شکست کا سامنا کرنا پڑا۔