ایس آئی یو نے تین ملی ٹینٹ اور ایک اعانت کار کے خلاف چارج شیٹ پیش کیا:پولیس

سرینگر//
ایس آئی یو پلوامہ نے یو اے پی ایکٹ کے تحت این آئی اے کی ایک عدالت میں تین ملی ٹینٹوں اور ایک اعانت کار کے خلاف چارج شیٹ داخل کی ہے ۔
پولیس کے ایک ترجمان نے بتایا کہ پیر کے روز سٹیٹ انوسٹی گیشن یونٹ (ایس آئی یو) پلوامہ نے ایف آئی آر زیر نمبر۲۶۰میں ملوث تین دہشت گردوں احسان الحق ولد عبدالرشید شیخ ساکن مرن پلوامہ اویس فیروز میر ولد فیروزاحمد میر ساکن فرستہ بل پانپور حال پاکستانی زیر قبضہ کشمیر اور ابرارالسلام ساکن پاکستان اور ایک ملی ٹینٹ معاون اشتیاق نذیر ڈار ولد نذیر احمد (زیر حراست ) کے خلاف این آئی کی عدالت میں چارج شیٹ پیش کی۔
ترجمان نے بتایا کہ ملزمان کے خلاف یو پی پی اے کی مختلف دفعات کے تحت عدالت مجاز میں چارج شیٹ پیش کی گئی۔
علاوہ ازیں عباس مجید پرے ولد عبدالمجید پرے ساکن اشمندر پلوامہ کے خلاف بھی اسی کیس کے سلسلے میں ۲۷دسمبر ۲۰۲۳کو چارج شیٹ داخل کیا گیا تھا۔