زالڈگر میں کروڑوں روپے مالیت کا برون شوگر ضبط، ملزم گرفتار :پولیس

سرینگر//
جموںکشمیر کی گرمائی راجدھانی سری نگر کے زالڈگر علاقے میں پولیس نے نجی گاڑی کی تلاشی کے دوران کروڑوں روپے مالیت کا برون شوگر ضبط کرکے منشیات فروش کو حراست میں لے لیا۔
پولیس کے ایک ترجمان نے بتایا کہ پولیس اسٹیشن ایم آر گنج میں تعینات اہلکاروں نے زالڈگر چوک میں ناکہ چیکنگ کے دوران ایک گاڑی کو روک اس کی تلاشی لی جس دوران گاڑی سے ممنوع نشیلی اشیاء(بظاہر برون شوگر)کا ایک پیکٹ برآمد کیا گیا جس کی مالیت کروڑوں میں بتائی جاتی ہے ۔
پولیس نے موقع پر ہی گاڑی کے ڈرائیور جس کی شناخت شفیق احمد خواجہ ولد فتح جو خواجہ ساکن دلدار کرناہ کے بطور ہوئی کی گرفتاری عمل میں لا کر اس کے خلاف ایف آئی آر زیر نمبر۲۴/۲۰زیر دفعہ۲۱/۸این ڈی پی ایس ایکٹ کے تحت پولیس تھانہ مہاراج گنج میں کیس درج کرکے مزید تحقیقات شروع کی ہے ۔
دریں اثنا پولیس نے عوام الناس سے اپیل کی ہے کہ وہ سماج میں پنپ رہی برائیوں کو جڑ اکھاڑ پھینکنے میں قانون نافذ کرنے والے ادارے کو اپنا دست تعاون پیش کرے ۔
پولیس نے اس بات کو واضح کیا ہے کہ منشیات کے ناجائز دھندے سے وابستہ افراد کے خلاف کڑی سے کڑی قانونی کارروائی عمل میں لائی جائے گی۔