سرینگر جموں شاہراہ پر۱۰سی سی ٹی وی کیمرے نصب:بکسوترا

جموں//
نیشنل ہائی وے کے ایس ایس پی ٹریفک ‘روہت بکسوترا کا کہنا ہے کہ سرینگر، جموں قومی شاہراہ پر ٹریفک کو منظم کرنے کیلئے مختلف مقامات پر۱۰سی سی ٹی وی کیمرے نصب کئے گئے ہیں۔
بکسوترا نے منگل کے روز میڈیا کو بتایا’’قومی شاہراہ پر جدید ترین ٹیکنالوجی کا استعمال کیا جا رہا ہے تاکہ ٹریفک کو منظم کرنے میں آسانی آئے ‘‘۔
ایس ایس پی ٹریفک نے کہا کہ قومی شاہراہ پر مختلف مقامات پر ۱۰سی سی ٹی وی کمیرے نصب کئے گئے ہیں اور مستقبل میں مزید کیمرے نصب کئے جائیں گے ۔
ان کا کہنا ہے کہ ایسے مقامات پر کمیرے لگائے جا رہے ہیں جہاں ٹریفک کی زیادہ بھیڑ رہتی ہے اور جہاں سے۳سے۴کلو میٹر کے علاقے پر نظر گذر رکھی جا سکے ۔
بکسوترا نے کہا کہ کیمرے نصب کرنے سے ٹریفک قوانین کی خلاف ورزی کرنے والی گاڑیوں کو ٹریک کیا جا سکتا ہے اور ان کے خلاف کارروائی عمل میں لائی جا سکتی ہے ۔انہوں نے کہا کہ اس کے علاوہ بھی قومی شاہراہ کے دوسرے معاملات پر نظر گذر رکھی جا رہی ہے ۔