نئی دہلی//
وزیر اعظم نریندر مودی کے۷مارچ کو جموں و کشمیر کا دورہ کرنے کی تجویز ہے ۔
سرکاری ذرائع نے منگل کو بتایا کہ ۲۰۱۹میں آرٹیکل ۳۷۰کی منسوخی کے بعد مودی کا کشمیر کا یہ پہلا دورہ ہوگا۔
وزیر اعظم ۷مارچ کو سرینگر میں شیر کشمیر انٹرنیشنل کنونشن سینٹر (ایس کے آئی سی سی) میں ایک سرکاری میٹنگ میں شرکت کریں گے ۔
گزشتہ ہفتے مودی نے جموں کا دورہ کیا، جہاں انہوں نے ایک عوامی ریلی سے خطاب کیا۔ انہوں نے جموں و کشمیر میں۳۲ہزار کروڑ روپے سے زیادہ کے کئی پروجیکٹوں کا سنگ بنیاد رکھا اور پہلی الیکٹرک ٹرین کا آغاز کیا۔
مودی کا کشمیر کا دورہ جموں و کشمیر میں بیک وقت اسمبلی اور پارلیمانی انتخابات کے امکان کا جائزہ لینے کے لیے الیکشن کمیشن کے دورے سے پہلے ہونے کی امید ہے ۔
بعض ذرائع کے مطابق اپنے دورے کے دوران وزیر اعظم جنوبی کشمیر کے ضلع اننت ناگ میں ایک بھاری عوامی ریلی سے خطاب کریں گے ۔
معلوم ہوا ہے کہ نریندر مودی بی جے پی کے کشمیر یونٹ کی گذارش پر اس دورے پر آنے والے ہیں۔
لوک سبھا انتخابات کے پیش نظر وزیر اعظم کے اس دورہ کشمیر کو انتہائی اہمیت کا حامل قرار دیا جا رہا ہے ۔
قابل ذکر ہے کہ یہ ایک مہینے سے بھی کم وقت میں وزیر اعظم کا دوسرا دورہ جموں وکشمیر ہوگا۔
۲۰فروری کو انہوں نے دورہ جموں کے دوران مولانا آزاد اسٹیڈیم میں ایک بھاری عوامی ریلی سے خطاب کیا تھا اور۳۲ہزار کروڑ روپیوں کے مالیت کے پروجیکٹوں کا افتتاح کیا تھا۔
اس دوران اس بات کا قومی ظاہر کیا جارہا ہے کہ بی جے پی کے جموںکشمیر یونٹ کے صدر‘رویندر رینا کو اننت ناگ لوک سبھا حلقے سے امیدوار نامزد کیا جائے گا ۔