گلمرگ میں سکائنگ انفراسٹرکچر میں اضافہ کرنے کی ضرورت:عمر

سرینگر//
نیشنل کانفرنس کے نائب صدر اور سابق وزیر اعلیٰ عمر عبداللہ نے مرکزی حکومت سے گلمرگ میں سکائنگ انفراسٹرکچر میں اضافہ کرنے کی اپیل کی ہے ۔
عمر نے کہا’’گلمرگ میں جو سال۲۰۱۴میں اسکائنگ انفراسٹرکچر تھا دس سال گذرنے کے باوجود اس میں کوئی اضافہ نہیں کیا گیا ہے‘‘۔
سابق وزیر اعلیٰ نے ان باتوں کا اظہار بدھ کے روز گلمرگ میں نامہ نگاروں سے بات کرنے کے دوران کیا۔
عمرعبداللہ نے کہا’’میں گذشتہ دو دنوں سے یہاں گلمرگ میں سکائنگ کر رہا ہوں لیکن بے حد افسوس کی بات ہے کہ جو ہم نے سال۲۰۱۴میں سکائنگ افراسٹرکچر انفراسٹرکچر چھوڑا تھا اس میں دس سال بیت جانے کے باوجود کوئی اضافہ نہیں کیا گیا ہے ‘‘۔ان کا کہنا تھا کہ یہاں کنگ ڈوری میں کوئی نیا لفٹ نہیں لگ گیا ہے ۔
این سی نائب صدر نے کہا’’میں نے دو دنوں کے دوران یہاں دیکھا کہ مشکل سے ہی صرف ایک بار گنڈولہ بغیر رکاوٹ کے اوپر آیا‘‘۔انہوں نے کہا کہ جو پہلے یہاں سکائنگ لے لئے آتے تھے وہ اب قزاکستان جاتے ہیں کیونکہ یہاں اس کے لئے ابھی پرانا ہی انفراسٹرکچر موجود ہے ۔
ان کا کہنا تھا کہ کھیلو انڈیا گیمز کے ساتھ ساتھ گلمرگ کو معروف اسکائنگ مقام بنانے کی بھی ضرورت ہے ۔انہوں نے امید ظاہر کی کہ سال آئندہ سکائنگ انفراسٹرکچر میں اضافہ کیا جائے گا۔