بی آرایس کو دھکہ، رکن پارلیمنٹ وینکٹیش کانگریس میں شامل

حیدرآباد// عام انتخابات سے پہلے تلنگانہ کی اصل اپوزیشن جماعت بی آرایس کو شدید دھکہ لگاکیونکہ اس کے پداپلی کے رکن پارلیمنٹ وینکٹیش نے ریاست کی حکمران جماعت کانگریس میں شمولیت اختیار کرلی۔دہلی میں اے آئی سی سی کے جنرل سکریٹری وینوگوپال، تلنگانہ کے وزیراعلی ریونت ریڈی کی موجودگی میں انہوں نے کانگریس میں شمولیت اختیار کی۔
اس موقع پر ان کو پارٹی کا کھنڈواپہنایاگیا۔وہ وزیراعلی ریونت ریڈی کے ساتھ کے سی وینوگوپال کے مکان پہنچے جہاں انہوں نے مختلف امور پر تفصیلی طورپر تبادلہ خیال کیا۔متحدہ محبوب نگر سے تعلق رکھنے والے بی آرایس کے بعض لیڈروں نے بھی کانگریس میں شمولیت اختیار کی۔