ویرات کوہلی نے میچ کے دوران مجھ پر تھوکا تھا، ڈین ایلگر

برسبین//
سابق جنوبی افریقی کپتان ڈین ایلگر نے بھارتی اسٹار کرکٹر ویرات کوہلی سے متعلق بڑا انکشاف کیا ہے۔
ایک انٹرویو کے دوران جنوبی افریقی کرکٹ ٹیم کے سابق کپتان نے بتایا کہ ویرات کوہلی نے ٹیسٹ میچ کے دوران ان پر تھوکا تھا۔
ڈین ایلگر نے مزید کہا کہ واقعہ 2015 میں جنوبی افریقہ کے دورہ بھارت میں ٹیسٹ میچ کے دوران پیش آیا تھا۔
انہوں نے کہا کہ ویرات کوہلی نے اس واقعے پر معذرت 2 سال بعد اے بی ڈیویلئیرز سے کی تھی۔
واقعہ کی تفصیلات بتاتے ہوئے سابق جنوبی افریقی کپتان نےیہ بھی کہا کہ اس وقت روی چندری ایشون اور ویرات کوہلی سے ان کی نوک جھوک چل رہی تھی۔
اُن کا کہنا تھا کہ ایشون کی گیند پر جب وہ بیٹنگ کررہے تھے تو آس پاس سے ان پر آوازیں کسے جارہے تھے، جن میں رویندرا جدیجا اور ویرات کوہلی شامل تھے ۔
ڈین ایلگر نے کہا کہ اسی دوران جدیجا نے کچھ کہا جس پر ویرات کوہلی نے مجھ پر تھوکا تھا۔
انہوں نے کہا کہ ان کے ساتھی کھلاڑی اورقریبی دوست اے بی ڈیویلیئرز سے دوسال بعد بھارتی ٹیم کے دورہ جنوبی افریقہ کے دوران ویرات کوہلی نے اپنی اس حرکت پر اُن سے معذرت کی۔