اننت ناگ میں آٹو رکشا میں نوجوان کو مردہ پایا گیا

سرینگر//
جنوبی کشمیر کے ضلع اسلام آباد کے چینی چوک میں جمعرات کو آٹو رکشا میں ایک۲۴سالہ نوجوان کی لاش پائی گئی۔
سرکاری ذرائع نے بتایا کہ اسلام آباد کے چینی چوک میں جمعرات کو ایک نوجوان کی لاش ایک آٹو رکشا میں دیکھی گئی جس کے متعلق پولیس کو مطلع کیا گیا۔
ذرائع نے کہا کہ اطلاع موصول ہوتے ہی پولیس کی ایک ٹیم جائے موقع پر پہنچی اور لاش کو قانونی و طبی لوازمات کی ادائیگی کے لئے اپنی تحویل میں لے لیا۔
متوفی کی شناخت تحسین گل ولد گل محمد ساکن ملک ناگ اسلام آبادکے بطور کی گئی۔
دریں اثنا پولیس نے اس سلسلے میں تحقیقات شروع کی ہیں۔ایک پولیس افسر نے بتایا کہ لاش کو طبی و قانونی لوازمات کی ادائیگی کے بعد لواحقین کے سپرد کیا جائے گا۔
اس دوران شمالی کشمیر کے ضلع بارہمولہ میں نیشنل ہائیڈرو الیکٹرک پاور کارپوریشن پرائیویٹ لمیٹڈ (این ایچ پی سی ایل) پر سینٹرل انڈسٹریل سیکورٹی فورس(سی آئی ایس ایف) کے ایک اہلکار کو جمعرات کی صبح اپنے کمرے میں پر اسرار حالت میں مردہ پایا گیا۔
پولیس ذرائع نے بتایا کہ بانڈی پورہ میں ایم ایچ پی سی ایل پر جمعرات کو سی آئی ایس ایف کے ایک اہلکار کو اپنے کمرے میں مردہ پایا گیا۔
متوفی کی شناخت اصغر علی ولد نظام الدین ساکن بہار کے طور پر کی گئی ہے ۔انہوں نے کہا کہ لاش کو پوسٹ مارٹم کے لئے ہسپتال منتقل کیا گیا ہے تاکہ موت واقع ہونے کی وجہ معلوم کی جا سکے ۔ دریں اثنا پولیس نے اس ضمن میں تحقیقات شروع کی ہیں۔