وزیر اعظم 23 جنوری کو پراکرم دیوس کے موقع پر لال قلعہ میں پروگرام میں شرکت کریں گے

نئی دہلی//) وزیر اعظم نریندر مودی 23 جنوری کو شام 6:30 بجے لال قلعہ میں پراکرم دیوس کی تقریبات میں شرکت کریں گے ۔
جدوجہد آزادی میں نمایاں کردار ادا کرنے والے مجاہدین آزادی کی خدمات کو خراج عقیدت پیش کرنے کے اقدامات کرنے کے وزیر اعظم کے ویژن کے تحت نیتا جی سبھاش چندر بوس کے یوم پیدائش کو 2021 میں پراکرم دیوس کے طور پر منائے جانے کا عمل شروع کیا گیا تھا۔ اس سال لال قلعہ میں منعقد ہونے والا ایک کثیر جہتی جشن ہو گا جو بغیر کسی رکاوٹ کے تاریخی عکاسی اور متحرک ثقافتی اظہار کو ایک ساتھ مربوط کرے گا۔ یہ سرگرمیاں نیتا جی سبھاش چندر بوس اور آزاد ہند فوج کی شاندار وراثت کا احاطہ کریں گی۔تقریب کے شرکا کو آرکائیوز کی نمائشوں کے ذریعے ایک شاندار تجربے سے روشناس ہونے کا موقع ملے گا، جس میں نایاب تصاویر اور دستاویزات کی نمائش کی جائے گی جو نیتا جی اور آزاد ہند فوج کے شاندار سفر کو بیان کرتی ہیں۔ یہ تقریبات 31 جنوری تک جاری رہیں گی۔
پروگرام کے دوران وزیر اعظم بھارت پرو کا بھی آغاز کریں گے ، جو 23 سے 31 جنوری تک منعقد ہوگا۔ یہ یوم جمہوریہ کے ٹیبلو اور ثقافتی نمائشوں کے ساتھ ملک کے بھرپور تنوع کو ظاہر کرے گا، جس میں 26 وزارتوں اور محکموں کی کوششیں شامل ہیں، شہریوں پر مبنی اقدامات کو نمایاں کیا جائے گا ۔ یہ پروگرام رام لیلا میدان اور لال قلعہ کے سامنے مادھو داس پارک میں ہوگا۔