ضلع کشتواڑ میں زلزلے کے ہلکے جھٹکے ، کوئی نقصان نہیں

سرینگر//
جموںکشمیر کے ضلع کشتواڑ میں دوران شب زلزلے کے ہلکے جھٹکے محسوس کئے گئے تاہم کسی جانی یا مالی نقصان کی کوئی اطلاع نہیں ہے ۔
اس زلزلے کی ریکٹر اسکیل پر شدت۹ء۳ ریکارڈ ہوئی ہے جبکہ اس کی زیر زمین گہرائی۵کلو میٹر تھی۔
نیشنل سینٹر فار سیسمالوجی کے مطابق جموں وکشمیر کے ضلع کشتواڑ میں بدھ اور جمعرات کی درمیانی شب ۱۲بجکر۳۸منٹ پر زلزلے کے جھٹکے محسوس کئے گئے ۔
زلزلے کی ریکٹر اسکیل پر شدت۹ء۳ریکارڈ ہوئی ہے جبکہ اس کی زیر زمین گہرائی۵کلو میٹر تھی۔تاہم زلزلے سے کسی قسم کے جانی یا مالی نقصان کی کوئی اطلاع نہیں ہے ۔دو روز قبل۲جنوری کو جموں وکشمیر میں زلزلے کے ہلکے جھٹکے محسوس کئے گئے تھے ۔
قبل ازیں شمالی ضلع کپوارہ میں۳۰دسمبر کو زلزلے کے جھٹکے محسوس کئے گئے تھے جبکہ اس سے قبل جموں وکشمیر اور لداخ یونین ٹریٹری میں۲۶دسمبر کو تین زلزلے آئے جبکہ۱۸دسمبر کو یکے بعد دیگرے پانچ بار زلزلوں کے جھٹکے محسوس کئے گئے جن سے لوگوں میں خوف وہراس پھیل گیا تھا۔تاہم ان زلزلوں سے کسی قسم کا کوئی نقصان نہیں ہوا تھا۔جموں وکشمیر زلزلیاتی پیمانے پر سب سے زیادہ خطرناک زون پانچ اور چار میں آتا ہے ۔