ملک میں کوویڈ کے۷۵۲ کے نئے مثبت کیس‘۴ لوگوں کی موت

سرینگر//
بھارت میں گزشتہ۲۴گھنٹوں کے دوران کوویڈ۱۹کے۷۵۲نئے کیسز درج ہوئے اور زیر علاج مریضوں کی تعداد بڑھ کر۳۴۲۰ ہوگئی۔ یہ ۲۱ مئی۲۰۲۳کے بعد سے ملک میں ایک دن میں رپورٹ ہونے والے کورونا وائرس کے انفیکشن کے سب سے زیادہ کیسز ہیں۔
ہفتہ کی صبح۸بجے تک مرکزی وزارت صحت اور خاندانی بہبود کے ذریعہ اپ ڈیٹ کردہ اعداد و شمار کے مطابق، ملک میں اب تک کوویڈ ۱۹کے کیسز کی کل تعداد۵۰ء۴ کروڑہے۔
ملک میں گزشتہ۲۴ گھنٹوں کے دوران انفیکشن سے چار افراد کی موت کے بعد اس وبا سے مرنے والوں کی تعداد بڑھ کر۵لاکھ۳۳ہزار۳۳۲ہو گئی ہے۔
وزارت کے اعداد و شمار کے مطابق، گزشتہ۲۴ گھنٹوں میں کیرالہ میں دو اور راجستھان اور کرناٹک میں ایک ایک مریض کوویڈ۱۹ کی وجہ سے فوت ہوا ہے۔ وزارت صحت کی ویب سائٹ کے مطابق اس بیماری سے صحت یاب ہونے والوں کی تعداد بڑھ کر۴کروڑ۴۴لاکھ۷۱ہزار۲۱۲ ہو گئی ہے۔
قومی صحت یابی کی شرح۸۱ء۹۸ فیصد ہے جب کہ اموات کی شرح۱۹ء۱ فیصد ہے۔
وزارت کے مطابق، ملک میں انسداد کوویڈ ۱۹ ویکسینیشن مہم کے تحت اب تک۶۷ء۲۲۰ کروڑ خوراکیں دی جا چکی ہیں۔ کوویڈ کے پھیلاؤ میں ایک بار پھر اضافہ ہوا ہے۔ ملک کی کئی ریاستوں میں کورونا کے نئے کیسز سامنے آئے ہیں۔ ساتھ ہی معاملے کی سنگینی کو دیکھتے ہوئے مرکزی وزارت صحت کی طرف سے کئی رہنما خطوط جاری کیے گئے ہیں۔
حال ہی میں مرکزی وزیر صحت منسْکھ منڈاویہ نے تمام ریاستوں اور مرکز کے زیر انتظام علاقوں کے وزراء صحت اور چیف سکریٹری (صحت) کے ساتھ ایک میٹنگ کی تھی۔ جس میں وبا سے نمٹنے میں مرکز کی جانب سے مکمل تعاون کی یقین دہانی کرائی ہے۔