ملک میں نینو یوریا کی پیداوار میں اضافہ کیا جا رہا ہے : منڈاویہ

نئی دہلی// حکومت نے آج راجیہ سبھا کو بتایا کہ ملک میں نینو یوریا کے نو پلانٹ کام کیا جارہا ہے اور سال 2025 تک 13 پلانٹ کام کرنا شروع کر دیں گے جن میں نینو یوریا کی 44 کروڑ بوتلیں تیار کرنے کی صلاحیت ہوگی۔
کیمیکل اور فرٹیلائزر منسٹر منسکھ منڈاویہ نے منگل کو راجیہ سبھا کو بتایا کہ ملک میں کھاد کی پیداوار 285 لاکھ ٹن تک پہنچ گئی ہے اور اس میں مسلسل اضافہ کیا جا رہا ہے تاکہ اس شعبے میں درآمدات پر انحصار کم کیا جا سکے ۔ انہوں نے کہا کہ ملک میں کھاد کی ضروریات کو پورا کرنے کے لیے نیشنل یوریا پالیسی کے تحت تمام پلانٹس میں پیداواری صلاحیت میں اضافہ کیا جا رہا ہے ۔ انہوں نے کہا کہ اس وقت تقریباً 200 لاکھ ٹن یوریا چین سمیت بعض ممالک سے درآمد کیا جاتا ہے ۔ اس کے لیے ہر ایک سے ٹینڈر طلب کیے جاتے ہیں اور خریداری شفاف طریقے سے کی جاتی ہے ۔
کیمیکل اور فرٹیلائزر کی وزیر مملکت ایرانا کدادی نے ایک اور ضمنی سوال کے جواب میں کہا کہ نینو یوریا کی 500 ملی لیٹر کی ایک بوتل کی قیمت 2400 روپے ہے اور حکومت اس بوتل کو کسانوں کو تقریباً 260 روپے میں 2150n روپے کی سبسڈی دے کر دستیاب کر رہی ہے ۔ انہوں نے کہا کہ یہ 500 ملی لیٹر کی بوتل کھاد کے ایک تھیلے کا کام کرتی ہے ۔
انہوں نے کہا کہ کسانوں کو ڈرون کے ذریعے نینو یوریا کا اسپرے کرنے کی ترغیب دی جا رہی ہے اور انہیں اس کے لیے تربیت بھی دی جا رہی ہے ۔